misocool (已結業)

第一次喺度食拉麵，感覺唔錯~ 餐廳幾大，座位有bar檯、2人檯、梳化位，各適其適。要咗一個特選蕃茄湯牛肉拉麵，個湯底幾夠濃，其實就似一個無餸嘅羅宋湯，酸酸甜甜，好開胃，再加有少少洋蔥絲。拉麵ok, 不過唔夠爽口彈牙。可能下次可以試下要啜啜麵。另外，仲叫了一個魚生辛辣麵，賣相好好睇，個拉麵上有一堆蝦鬚，幾靚，不過無人食。可是，呢個拉麵份量太細啦，魚生都少咗啲。啲拉麵撈嗰個醬幾惹味，有啲啲辣，啱晒我地呢啲唔食得辣，而又想試少少辣的朋友。呢間店應該是幾出名 Yogurt 的，所以，最後仲要了兩杯北海道低脂乳酪。Yogurt 可以選 Topping, Yogurt 味道酸酸的，可以再酸多啲，味道OK。