影片
更多
2024-05-09
73 浏览
Ukiyo今次要介紹尖沙咀k11 Musea 六樓一間日系cafe，呢間cafe以木色系為主打，加上cafe以落地玻璃令到成個cafe好光猛，我就坐喺落地玻璃旁邊，無太陽曬到我嘅時候望出去好舒服，空間感十足，但有太陽嘅時候熱到hi hi，本來想坐耐少少，係太陽趕走我！😪😪1.慢煮澳洲和牛板腱+胡麻菠菜+牛蒡漬+蘿蔔漬+紅之漬+炒蛋+自家製酸種麵包+黑松露日本菇$188（8.5/10）呢個慢煮澳洲和牛板腱一共有5舊，和牛板腱肉質有少少韌，其他配菜有胡麻菠菜+牛蒡漬+蘿蔔漬+紅之漬+炒蛋+自家製酸種麵包同黑松露日本菇，整體份量都算多，唔錯！2.和風煙燻辣茄汁配慢煮澳洲和牛面頰手工意大利寬帶麵$188（9/10）呢個和風煙燻辣茄汁配慢煮澳洲和牛面頰手工意大利寬帶麵入面個慢煮澳洲和牛面頰一共有6舊，面頰肉質都係有少少韌，不過意大利寬帶麵有驚喜，寬帶麵夠彈牙又寬，味道帶酸酸辣辣，好惹味！3.炸番薯條（黑松露蛋黃醬+和風煙燻辣茄醬）$68（9.5/10）呢個炸番薯條份量超多，炸番薯炸得好脆身，炸番薯係幼長，咬落去食到濃濃番薯味，甜到唔會好假，係番薯嘅甜味，我揀咗黑松露蛋黃醬同和風煙燻辣茄醬，個人就
今次要介紹尖沙咀k11 Musea 六樓一間日系cafe，呢間cafe以木色系為主打，加上cafe以落地玻璃令到成個cafe好光猛，我就坐喺落地玻璃旁邊，無太陽曬到我嘅時候望出去好舒服，空間感十足，但有太陽嘅時候熱到hi hi，本來想坐耐少少，係太陽趕走我！😪😪
1.慢煮澳洲和牛板腱+胡麻菠菜+牛蒡漬+蘿蔔漬+紅之漬+炒蛋+自家製酸種麵包+黑松露日本菇$188（8.5/10）
呢個慢煮澳洲和牛板腱一共有5舊，和牛板腱肉質有少少韌，其他配菜有胡麻菠菜+牛蒡漬+蘿蔔漬+紅之漬+炒蛋+自家製酸種麵包同黑松露日本菇，整體份量都算多，唔錯！
2.和風煙燻辣茄汁配慢煮澳洲和牛面頰手工意大利寬帶麵$188（9/10）
呢個和風煙燻辣茄汁配慢煮澳洲和牛面頰手工意大利寬帶麵入面個慢煮澳洲和牛面頰一共有6舊，面頰肉質都係有少少韌，不過意大利寬帶麵有驚喜，寬帶麵夠彈牙又寬，味道帶酸酸辣辣，好惹味！
3.炸番薯條（黑松露蛋黃醬+和風煙燻辣茄醬）$68（9.5/10）
呢個炸番薯條份量超多，炸番薯炸得好脆身，炸番薯係幼長，咬落去食到濃濃番薯味，甜到唔會好假，係番薯嘅甜味，我揀咗黑松露蛋黃醬同和風煙燻辣茄醬，個人就鍾意點黑松露蛋黃醬比較好味少少！
2人總共價錢$444
個人口味總評分：9.33/10
地址：尖沙咀梳士巴利道18號維港文化匯K11 Musea 6樓610號舖
张贴
