新巴黎越南餐廳 (已結業)

今日上去新巴黎發現轉咗餐牌。 樓面多咗幾個後生仔。 原來舊老闆已經退休。 既然坐低咗, 咁都試下佢哋嘅嘢食。我哋總共叫咗三個餐加小食。炒雜菜。不太油, ok。酸辣鳳爪。有啲太辣， 但係味道ok。炸春捲自家製，好味。 足料。海南雞飯～ 滑！飯唔會太油但係夠香。香茅豬扒雞翼飯。 香茅味唔夠重。 豬扒雞翼炸完唔柴。味道已經同以前唔同曬, 但係份量都算足。 好難講好唔好食過以前因為始終由細食到大。 但係絕對有下次, 想試吓個黑船湯粉。