影片
港铁铜锣湾站 E 出口
继续阅读
营业时间
星期一至二
11:30 - 22:30
星期三
全日休息
星期四至日
11:30 - 22:30
公众假期
11:30 - 22:30
公众假期前夕
11:30 - 22:30
以上资料只供参考，请与餐厅确认详情
食家推介
招牌菜
中环食午餐已经食到好闷，有时时间许可，我会坐车去铜锣湾揾食。今日就去咗金百利，随意揾咗间越南餐厅试吓。打开餐牌，午市套餐都好多选择，价钱仲好经济😀最后选咗我以下嘅午市餐单：火车头汤檬，洛神花茶 $64酸辣凤爪$22价钱经济，但系份量一啲都唔失礼，全部都系大大碗大大碟。火车头仲好大份量好多料，真系食得好满足，杯洛神花茶都真材实料，好掂👍🏻凤爪又系好大碟，整得好入味。埋单88，无加一，喺中环一定食唔到👍🏻👍🏻
继续阅读
平日路过铜锣湾，上金佰利广场找吃，此店位于5楼，中午1点时段，得3，4枱客🥺，有点冷清。见有套餐(主食+饮品)，叫咗个火车头汤粉和洛神花茶$68，加小食炸虾饼$32，不用加一。火车头汤粉， 👍份量十足，有6片牛肉， 两粒牛丸和一大嚿萝卜，味道算佳。🦐炸虾饼，肉质弹牙，好味。洛神花茶，颇清淡。旺区，小店， 价钱实惠， 环境企理，值得再来😋
继续阅读
今日放工谂唔到食乜，经过铜锣湾就去咗老字号嘅新巴黎越南餐厅，夜晚七点几加埋10个人都冇，坐低就嗌咗一个火车头越南汤檬，有牛柏叶牛丸，同埋牛肉。因为好少客，唔使3分钟就有得食，热辣辣汤底够味冇味精，牛肉都算多，而且质素几好，至于牛柏叶同埋牛丸就正常发挥，萝卜都入味。包埋洛神花茶，甜甜地几好饮。坐咗半个钟，客人一半都唔满。埋单先至$70，而呢个质素绝对交到功课，值得有更多人帮衬。另外想讲埋环境干净，坐得舒服，而且店员服务有礼貌。
继续阅读
星期一晚单支去铜锣湾揾食，突然想起好耐无食新巴黎所以立即行去金百利。一上到5楼行入新巴黎真系吓我一跳，6点9全场只得一个客! 老板请我自己拣位随便坐，我谂咗一阵就拣咗香茅鸡翼猪扒捞檬跟金桔柠檬。大约5分钟就有得食，味道不变， 2只鸡翼炸得好香脆又够juicy， 香茅猪扒系切碎几旧而不是完整一块， 不过实在系生意难做， 食材方面份量难免系要减少啲 ，我都完全明白嘅……唉食物质素味道都保持水准， 晚市收加一， 所以盛惠$67。 我真心觉得价钱实惠， 餐厅环境虽然唔系富丽堂皇但系干净企理， 绝对值得各位嘅支持。大约7点半前离开， 铜锣湾嘅街头人流感觉上有啲疏落，Sogo对开嘅红绿灯位唔再企满等过马路嘅人， 最多人嘅地方就系地铁站巴士站小巴站， 好似冇乜人想留喺铜锣湾嘅感觉，难怪香港嘅餐厅食肆好似要排队执笠咁，好sad……
继续阅读
叫外卖做晚餐, 鸡丝扎肉捞檬餐, 健康之选. 铜锣湾五十几蚊食到个晚餐真系好抵, 都几好味添. 外卖更加减五蚊, 跟餐小食又系外卖减五蚊! 餐包一杯嘢饮, 叫咗杯热洛神花, 甜甜地几好味! 另外一份外卖叫咗个蟹肉捞面餐. 呢个贵少少, 要八十几蚊, 不过有蟹肉就唔紧要啦! 连埋啲捞面汁都好味! 不过都系钟意鸡丝扎肉檬多啲haha. 之前食过佢哋啲鸡翼春卷檬都非常之唔错. 一定会再返去食! 尤其系个地点咁方便, 又多座位, 平平地就可以食一餐. 都几推荐!
继续阅读