The JEJU

营业中

休息中

臨近暑假暑假之前就好想飛，但係又冇假期。所以趁今日放早就同friend 約埋一齊去食烤肉。食飯時間周圍都排晒隊，好彩我哋排咗15分鐘左右就入得啦。得兩個女仔唔係食到好多嘢，但又想樣樣都試啲，叫叫下就變咗成枱嘢食。罈子五花肉喺OpenRice係最出名，所以我哋就叫咗個Set B。餐廳好貼心，全程都有店員幫手燒。燒完先發現原來好多，食到一半都已經好飽。五花肉肥瘦適中，食落去唔會太老又唔會好膩。加埋濟州橙同泡菜中和咗佢嘅油脂。蘿蔔牛肉湯飲落又好濃嘅蘿蔔同牛肉味，下面仲有好多冬菇，味道濃而不膩。攞嚟送飯一流。接骨木花柚子梳打好清新嘅柚子味。士多啤梨米酒好重士多啤梨味。最有驚喜嘅係甜品！Jeju石像係芝麻味，入面包住濟洲柑嘅果凍，加埋Oreo碎一齊食好好味。