Interval | Farmacy (數碼港商場) (已結業)

同狗狗係數碼港行到攰，呢間pet friendly既義大利餐廳就成為我地歇腳既地方啦～意想不到地，呢間餐廳既食物非常高質～🍝意式肉醬大通粉有別於一般食到既義大利粉，係非常新鮮且有誠意既味道～肉醬明顯食得出由新鮮蕃茄製作而成，食到綿密既番茄蓉，通粉質感富有彈性，香草同芝士更加係點睛之筆，香味十足🍅🍀🍝龍蝦濃汁意大利粉伴烤虎蝦虎蝦非常大隻，而且燒得好香。龍蝦汁非常香濃，鹹香味道豐富，醬汁包裹住每條麵條。義大利麵同樣非常有彈性🦞🥦炭火烤西蘭花苗西蘭花苗都係第一次見😂菜苗烤得軟爛，易於入口，炭香十足，同時調味一流～