莆田 (PopCorn 2)

营业中

休息中

秋冬寒風起，大閘蟹開季！！每年都會去莆田食大閘蟹，莆田供應既江蘇大閘蟹，養殖基地水質清澈，湖中仲有繁茂的水草和豐盛的魚蝦陪伴大閘蟹長大。除左有清蒸之外，仲有油煎或熟醉既煮法款式，但我最鍾意原汁原味咁食佢個鮮味，所以照舊選擇清蒸大閘蟹！蒲田大閘蟹公依然都係多蟹膏，清蒸大閘蟹果然係清鮮必選。蟹黃和蟹膏醇香濃鮮，好正。食完大閘蟹仲會送杯薑茶，記得問佢俾喔！百秒黃花魚蒲田最出名既百秒黃花魚係我至愛。首先要飲佢個熱魚湯，充滿鮮甜魚香，非常暖胃。然後沿著整條魚骨用匙羹將兩邊魚身割開食用，非常方便。福建特色紅糟鰻沾滿福建特色紅糟醬的鰻魚肉，肉嫩爽口彈牙，多汁帶酒香。