本身想起果頭食埋飯, 但間間都好多人, 要等位, 餓到不能等的我倆
, 決定番駱克道那邊搵食
其實果頭一到放工weekend沒太多上班族的地方, 就會變得好似去左外國咁, 好多鬼佬, 最主要果頭多酒吧, 可能多外國人的關係吧, 所以果一帶的食肆主要都以西餐為主
就像今天經過Burger Joys一樣, 因為餓得很(中午3時多) 所以立即入來吃個快餐吧!
1
店內坐位不算多, 全部都係高檯, 大約十多個座位
雖則已是下午茶時份, 入座率都有一半呀~
廢話少說, 立即望下Menu先, 本身想點Signature Double Cheese Burger, 抬頭比男友一望, 見到呢張"新品"Hiro Burger, 係和牛漢堡呀呀呀呀!!! (佢係碌大雙眼咁同我講)
牛魔王既佢, 又點會唔order呢個丫
Burger是即叫即整的, 所以其他小食先上
食burger又點少得薯條汽水呢
(Combo Set)
唔叫普通薯咁簡單, 加d黑松露更惹味
黑松露都唔算少呀, 味道極濃極香
不過如果薯條係粗薯就更加正
無一條薯條係淋架~
又鐘意食炸野,但又怕熱氣, 所以叫個salad中和番 (自己呃自己)
呢度得2款沙律, 唔想成日食Caesar Salad, 所以揀左House Salad, 好健康架, 無加雞肉, 因為留番個胃比和牛嘛
全雜菜的House Salad, 青瓜同蕃茄片都好大片
雖然係新鮮健康之選, 不過$58貴左少少
眼看隔離食雞翼食得津津有味, 我地都叫番份先
Waiter話呢度出名既係Classic Baffalo Wing
$58/6隻, 雖然唔係叫大大隻, 但都好抵下喎
橙色醬汁既雞翼, 酸酸辣辣的味道, 都幾惹味, 伴碟仲有西芹及甘筍條Refresh味蕾
唔好以為食Fast Food係一早整定, 錯啦~上檯都係熱騰騰的
主角終於來啦, 侍應相當醒目, 落order時忘了說要切開一半,
竟然上檯時係切好比我地, 讚!
其實我鐘意呢d size既burger, 唔怕食完一大隻之後乜都食唔落
雖然佢既圓面唔大, 但係都有d高度架
層次分明的Hiro Burger $188, 最底的和牛漢堡, 上面是芝士片, 大量小黃瓜薄片
我唔係豪邁型女性, 呢個高度我係不能一口由面咬到底, 我男友就可以
所以顧住儀態及儀容, 我都係用叉
wow, 估唔到個麵包係軟身架喎, 帶少少甜, 用叉都切得開
(呢度唔係用個麵包黎塞飽你個胃)
雖然唔係melting cheese, 實在一片的感覺仲無咁漏, 若果你是芝士迷相信是不介意佢係咩芝士呢~
主角和牛漢堡, 唔係全熟, 中間個芯仲有少少紅, 但唔會有血出走出黎, 唔怕食到好"呢hea"或恐怖
和牛是剁碎成漢堡扒狀, 食落鬆軟及有肉汁好juicy
成個burger無我最唔鐘意既生洋蔥, 好多時我覺得出面加入生洋蔥粒, 唔係提升味道, 而係完全蓋過哂主角既味道囉 (純粹係我個人既意(偏)見)
可能你覺得貴左少少, 不過對自己好d, 食緊係要食好d啦, 食過就知係值得的
Burger Joys特別為素食者提供Veggie Burger架, 食Burger唔一定要有肉!
1
