勝手

营业中

休息中

去咗銅鑼灣一間居酒屋，Happy Hour 6pm-8pm 做緊生啤買一送一，真係抵🍻一坐低梗係叫返兩杯生啤先啦，飲下啤酒，再叫啲串燒食🍢，真係爽！叫咗個蟹籽沙律做前菜，清新開胃，蟹籽卜卜脆，青瓜絲爽口，沙律菜都好新鮮。串燒方面：鹽燒厚切牛舌真係必叫！牛舌厚切，燒得啱啱好又爽口。月見免治雞肉棒都唔錯，雞肉棒好彈牙，配埋生蛋黃，更加香滑。鹽燒雞翼雞皮燒得香脆，雞肉都幾嫩滑。鹽燒豚肉蘆筍個配搭幾fresh，豚肉唔會太肥膩，蘆筍都好爽口。至於鹽燒白鱔口感肥美，又帶有炭燒香。蟹膏大蝦有驚喜，蝦爽口，蟹膏好香濃。秘製汁燒豆腐個汁調得幾好，豆腐外皮脆脆地，豆腐都幾滑。最後叫咗個勝手鯛魚湯，湯底幾鮮甜，有豆腐同菜，幾足料。食飽飽，仲叫咗兩個燒飯糰，原味燒飯糰同明太子燒飯糰🍙，兩個都燒得外脆內軟，明太子嗰個更加惹味。最後叫咗燒菠蘿🍍，菠蘿燒得香甜多汁，好解膩。總括嚟講，呢間居酒屋都幾唔錯，食物質素都幾高，價錢都合理，服務又好。