辣吧 (已結業)

落得酒吧預咗劈酒，見時間尚早，原本打算叫些少小食過吓口癮; 打開餐牌一看，見到好多重慶、四川風味既地道食品，可能因為咁，覺得呢間bar跟其他的有點不同。呢處有「飲之放題」，如果好飲得或者預左飲幾杯，有任飲package其實係幾好的。四川宜賓把把燒的其中二款 ---雪花牛柳粒及雞脆骨，好入味兼好重香草味，一串脆另一串則肉味重。惹味鴨紅真的名符其實，雖然好辣，但不算好「痳」，鴨紅則滑而不靭，口感比豬好得多。宜賓撚麵有濃濃的痳醬味，所以好開胃，麵質富彈性，加上脆黃豆，口感層次好豐富。招牌海皇炒飯炒得好夠鑊氣，飯粒夠乾身，每粒都好分明。至於材料放便，我覺得就不是太多，但還是可以接受的。