影片
更多
2011-07-25
164 浏览
首先讓大家知道 After 5 Wine Bar 既 Happy Hour 係由下午 17:00 - 晚上 20:30，並不是樓下位朋友自己以為係 21:00 就當係。就算上年 2010 年 Happy Hour 都已提前到 20:45 結束，自己唔問、又唔睇，關人蛋治 ~今日兒童節、聽日又係清明假期，梗係落黎開心吓啦，仲發現今日波枱拉左新布喎，仲由綠色轉左紅色，好鬼惹火，剛剛換有啲唔習慣添 ~ 有啲餓，叫個晚餐二百零蚊再加啲小食加支紅酒搞掂。今日彬哥哥大廚放假，咁就由我地既行政總廚肥哥哥煮理。露筍蟹肉沙律，雖然蟹肉屬雪藏貨色，但經調味後味道鮮甜可口，再試吓用意大利生菜卷埋一齊食，味道突更出。露筍烚得剛好，熱騰騰，嫰口多汗，正呀 ﹗得一條點夠喉。忌廉蘑菇湯，質感幼滑夠厚身，唔會水汪汪，味道恰到好處，有磨菇既鮮箘味，湯不會過濃而蓋過鮮味。香煎粟米蓉三文魚扒併雞髀菇，新菜式。三文魚扒煎得外脆內嫰，外層熟、裡面仍然保持鮮嫰橙色，肉汁都保存得幾好，不至於太乾。因牛油粟米蓉好脆，一切就會散晒，最好跟三文魚同吃，否則會有點咸，混埋一齊味道剛好，無汁跟，味道只來自略調味既三文魚及偏咸既粟米蓉。個人覺
今日兒童節、聽日又係清明假期，梗係落黎開心吓啦，仲發現今日波枱拉左新布喎，仲由綠色轉左紅色，好鬼惹火，剛剛換有啲唔習慣添 ~ 有啲餓，叫個晚餐二百零蚊再加啲小食加支紅酒搞掂。今日彬哥哥大廚放假，咁就由我地既行政總廚肥哥哥煮理。
露筍蟹肉沙律，雖然蟹肉屬雪藏貨色，但經調味後味道鮮甜可口，再試吓用意大利生菜卷埋一齊食，味道突更出。露筍烚得剛好，熱騰騰，嫰口多汗，正呀 ﹗得一條點夠喉。
忌廉蘑菇湯，質感幼滑夠厚身，唔會水汪汪，味道恰到好處，有磨菇既鮮箘味，湯不會過濃而蓋過鮮味。
香煎粟米蓉三文魚扒併雞髀菇，新菜式。三文魚扒煎得外脆內嫰，外層熟、裡面仍然保持鮮嫰橙色，肉汁都保存得幾好，不至於太乾。因牛油粟米蓉好脆，一切就會散晒，最好跟三文魚同吃，否則會有點咸，混埋一齊味道剛好，無汁跟，味道只來自略調味既三文魚及偏咸既粟米蓉。個人覺得雞髀菇更勝三文魚扒，雞髀菇爽口多汁菌味濃，好好食。三文魚肉經烹調後免口感會略鞋，無辦法，最好都係刺生。仲有脆肉瓜墊底，同樣煮到熟透熱辣辣，多水多汁更爽口。
帕爾馬芝士巴馬火腿寬條麵，巴馬火腿始終配甜生果最夾，例如哈蜜瓜、蜜瓜、木瓜咁，今次依個配搭真係超濃郁，芝士配火腿，落足料，個汁好杰身，完全包住寬條麵，唔會有多餘既汁留係碟上面。加少少黑椒碎增添惹味，大啖大啖咁食，真係津津有味，每一啖都充滿火腿既咸香、芝士既乳香，味道係一絕，唯怕有一點滯。
蝦春卷，今期新寵，方便、快捷、簡單又乾淨既小食，一口一件。原隻大蝦，非常美味，蝦肉鮮爽彈牙，春卷皮炸香脆，搞掂。
张贴
