影片
更多
2007-11-01
32 浏览
一路睇呢間私房菜既評語, 大家主要針對住Manager - Joyce, 但我由e-mail通訊, confirm booking, deposit payment至到食飯當晚都無咩問題, 佢都幾nice呀...^^31-Oct : 男朋友今晚生日, 我book左8pm黎呢到食飯慶祝. 我地準時去到Circle K就打電話上去亦好快有人落黎接我地...一入到去聞到少少既香鯗香味, 燈光偏暗, 裝修好法式幾靚...一個大廳, 可以容納大約12人聚餐另一邊仲有梳化位, 跟住佢地安排左一間private room比我地, 入到去無大廳咁靚,但有D比較簡單既裝飾, 台上放住蠟燭又播住法文歌, 燈光仲可以自己調較....環境幾浪漫架^^ 我預先order左一份6個course同一份4個course既法國菜: 送左一小籃法國餐包配埋兩種醬汁- 面包係熱既, 外面脆脆地裡面好軟熟,係一個好既開始 StarterAllez Allez Baked Oyster with Bacon and Spinach 酒池肉林特色焗蠔 - 用左忌廉加芝士焗, 蠔底加左菜同煙肉, 所有野都好夾好好味, 最重要係個
31-Oct : 男朋友今晚生日, 我book左8pm黎呢到食飯慶祝. 我地準時去到Circle K就打電話上去亦好快有人落黎接我地...一入到去聞到少少既香鯗香味, 燈光偏暗, 裝修好法式幾靚...一個大廳, 可以容納大約12人聚餐另一邊仲有梳化位, 跟住佢地安排左一間private room比我地, 入到去無大廳咁靚,但有D比較簡單既裝飾, 台上放住蠟燭又播住法文歌, 燈光仲可以自己調較....環境幾浪漫架^^
我預先order左一份6個course同一份4個course既法國菜:
送左一小籃法國餐包配埋兩種醬汁
- 面包係熱既, 外面脆脆地裡面好軟熟,係一個好既開始
Starter
Allez Allez Baked Oyster with Bacon and Spinach 酒池肉林特色焗蠔
- 用左忌廉加芝士焗, 蠔底加左菜同煙肉, 所有野都好夾好好味, 最重要係個蠔仲keep到有蠔味~ 正~
Grilled Vegetable Salad 扒蔬菜沙律
- 有機蔬菜配埋個汁亦好好, 唔錯
Appetizer
Pan-Seared Foie Gras with Mixed Berry Compote 香煎法國鵝肝配草莓汁
- 個樣好靚, 鵝盰煎到外面脆卜卜, 但入口即溶已經好正, 佢仲配埋blueberries醬, 真係超級好味道呀~
Soup
原隻海鮮周打湯
- 又係一個好好既presentation, 但原來無蜆架, 但有一隻彈牙蝦, 一隻青口, 一隻小帶子, 有D魚肉...成個湯好鮮味, 但少少喊左D...於是羅番餐前面包點湯食...又係好好味, 仲唔喊tim
Sorbet
芒果乳酸雪芭
- 酸酸地, 好開胃
Main Course
Roasted Rack of Lamb with Mustard Crust 燒羊鞍配芥苿蒜蓉汁(七成熟)
- 賣相絕對好靚, 羊係唔so...好多汁, 再配埋芥未(仲有薄荷醬, 但我地無食過, haha), 真係好正...但可惜我係鍾意羊有so未...所以唔夠perfect
Grilled Rib Eye Steak in Red Wine Sauce 紅酒汁肉眼扒(六成熟)
- 賣相就一般, 但份量足夠, 亦好多汁好好味
Dessert
Special Warm Chocolate Pudding 軟心朱古力布甸
- 呢個真係好味絕頂, 佢個樣已經好靚, 仲要係岩岩焗好羅出黎, 熱辣辣咁配埋個ice-cream ball一齊食, 朱古力味好濃, 布甸熱雪糕凍, 個口感好味到唔知點講.....
Baked Apple Tart serve with Vanilla Ice cream 焗蘋果撻配雲尼拿雪糕
- 又係一出, 個賣相已經滿分, 味道同軟心朱古力布甸相反..唔太甜, 岩岩好...同埋個撻焗到好脆, 再配雪糕一齊食...真係好正..........
Beverage
White Wine 一支白酒(細)
Red Wine 一支紅酒(細)
總括黎講呢餐絕對物有所值, 我同花王都好滿意....特別係desset.
另外要唔該晒Joyce係個甜品布甸上用朱古力醬加左Happy BD, 而唔係用生日牌, 真係好有心思..我仲要求加埋名, 佢都一一做到
张贴
