影片
更多
2019-01-06
48 浏览
放工跟朋友約左地鐵站等 經過希慎再行多幾條街就到。 一到餐廳 個景同氣氛都好正 可惜出面冇晒位 如果唔係仲正 侍應安排左我地坐bar台。 頭盤叫左手撕法國鵪鶉伴海膽汁海哲 個海哲索左海膽汁 配搭得幾夾個味! 我同朋友都不約而同揀左個花膠螺頭片波士頓龍蝦湯 飲落口龍蝦味非常濃郁 絕對真材實料 仲有舊龍蝦肉伴湯 好飲到停唔到口 黑松露海皇鮑汁燴米形飯 其實我點菜果時都唔知係咩飯 不過見到有黑松露就點左 食落口感非常特別 粒粒分明 同意大利飯係有分別! 我印象中意大利飯係"潔"身同圓潤啲 米形飯就相對較大粒 滑身啲。 朋友再叫左個西班牙油香臘味炒飯 可能因為佢多料 所以食落比較咸 不過臘味堅係香! 最後點心叫左個竹碳甘蔗汁黑毛豬咸水角 賣相非常精緻 有黑有黃 好似水晶包咁 咬落感覺到入面係有層次 唔係一咬就到底 師傅手勢非常讚 講返飲品 我同朋友望到menu 當然揀mocktail 冇理由仲飲orange juice掛 叫左fairy green 朋友話好清新 好大浸青瓜味 我就揀左杯blue tint 檸檬味 都不錯。 總結 餐廳氣氛一流 食物設計有心思 味道高水準 服務都非常好 滿載
0 浏览
0 赞好
0 留言
张贴
