BLT Burger (已結業)

好少喺銅鑼灣星期五晚食飯，怕同人迫，咁啱老公同仔嚟接放工，怱怱忙忙地都book到呢間食burger.叫左澳洲和牛set，同一個kids meal炸雞薯條，仲有個ceaser salad。唔知係咪我口味問題，我對兩個主菜都比較失望。先講小朋友個餐，咁薯條就正常架喇，個幾條炸雞，柴咁喎，小朋友唔到。個和牛burger叫7成熟，個人認為挨近9成了，淡而無味，btw，飽肚囉。係個沙律正常囉，都好難整到唔正常既。。。反而最後我想講係，有個staff好似有啲問題，幫我落order個男人，態度好似落魚旦粉咁，斟水我叫佢斟多杯俾我小朋友，佢話：佢有私家水呀（我仔有個水樽係檯面），我：。。。之後我叫hoegaarden，佢話：“冇喇，應該冇喇，啤酒唔賣得，賣哂我地唔入架喇！”咁我問佢仲有咩啤酒，佢是但答我啲野咁囉。。。之後帶位經理又同佢鬧交，點呀大佬？！不過公道啲，除左呢個大排檔亞叔，其他既waiter同waitress都nice既。