Mini Friday (銀城廣場) (已結業)

餐廳好受歡迎，基本上長時間都九成滿，環境幾靚，坐得尚算舒服。晚市佢有晚餐及散叫，餐牌食物選擇好多。黑松露薯條新鮮炸起，個黑松露汁好香。餐牌最令我想叫嘅係威靈頓牛柳，因為我好鍾意食酥皮，又好鍾意食牛。而且唔算好多地方有呢度菜式。威靈頓牛好大件，焗得熱辣辣，不過酥皮唔算酥脆，但有牛油香。入邊牛柳情粉紅色，肉質夠林，唔會太咸。另外仲有燒汁可以點。凱撒沙律配Parma ham，份量好夠多。沙律菜夠新鮮，parma ham有四小塊。