帝樂 - 德國餐廳 (美麗華廣場) (已結業)

星期五梗係要去食好嘢 為左方便朋友今次我哋揀咗去尖沙咀食飯Prost 真係一個relax的好地方 餐廳好有情調，而環境內比較昏暗 ，加上有live band表演， 所以好有氣氛， 好relax我哋叫咗一個德國脆皮燒豬肘 豬手係原隻上，然後職員就幫我地切開。豬皮燒得好脆，咬嘅時候都聽到個脆皮聲 而啲肉燒得啱啱好， 唔會話好乾，而味道我覺得就比較鹹，不過配埋啤酒就ok! 另外仲叫左個德國腸拼盤配酸椰菜及燒薯。 雖然d腸有五款唔同嘅口味， 不過食落覺得條條差唔多，冇乜驚喜。