山野日本料理 (已結業)

今日星期五，梗係要同朋友食餐好嘅。喺九龍城商場見到一間山野日本料理，價錢唔錯，又幾多人去食就一心試吓。入到去個環境好舒服，餐牌又靚。食物種類好多，除咗有得畫紙叫野食之外，仲有啲自助既小食。首先黎壽司，每件都細細件，一啖啱啱好。個份量唔會太大，可以試到好多唔同嘅種類鰻魚同煙三文魚壽司都入口即溶口感豐富。手卷細細件但上面嘅料都唔孤寒。魚生都好新鮮，而且仲係厚切嘅。燒生蠔真係原隻上，上面仲有好多蒜蓉，帶岀鮮味。另外炸物方面，真係即叫即炸。咬落去真係脆既，特別鍾意佢嘅芝麻雞翼，有埋雞翼尖，啲雞肉都好嫩滑。員工話呢度嘅咖喱牛舌，係日本師傅特登整嘅，試咗都覺得好爽口。我最愛既辣蜆，佢嘅辣粉係用韓國架，食落好似係泡菜味咁，個感覺好特別。自助甜品飲品都好多，仲有啤酒添。芒果布甸食落唔太甜，但又有奶香味。總括今晚個放題都食得好滿足，員工態度好，好有耐性，食物質素又唔錯。