影片
情人节出街食饭真系好灰，因为无book位食野，想食好少少嘅餐厅，间间都系得超贵嘅情人节餐，最后行到黎呢间放题，食之前已经话无最易返本嘅海胆同和牛供应，咁都算啦照食。入到去环境都几阔落，坐底即时画左好多野。首先上左盘好靓嘅刺身，都算新鲜，另外仲有啲小卷物，都几好味，不过惊饱就唔叫咁多饭类啦。之后黎左碟炒金菇，细到眼都突埋，唔洗两啖已经食哂。之后黎第二轮刺身，同第一轮相比细劲多，最不满系啲串烧同肉类，催咗四五次都未出到，真系火都黎，最后又连出两盘，激死，不过好在味道ok。总体黎讲食物种类太少，每页得4款左右可以拣，仲要好多都无供应。
继续阅读
食日本放题，系我同几个朋友每个月嘅指定约会 ，放题食好多，要揾到一间好味嘅就真系唔易，山嘢同其他一般嘅放题质素差唔多 ，唔系特别差，但真系好一般 ，食完唔会谂住再食过 。食放题最重要就梗系刺身，刺身新唔新鲜、靓唔靓好紧要，呢间嘅刺身真系好一般，同你喺其他餐厅食到嘅差唔多，唔出色，但唔系好差啰。其次最紧要嘅系串烧，串烧嘅味道都系好一般，冇乜记忆点 。其他嘅日本熟食都系冇乜记忆点，如果当系一个聚会嘅时光，绝对可以，因为环境唔会好嘈，几个朋友倾下计，好享受，唯有将个重点放喺聚会，而唔系食物...
继续阅读
第一次黎九龙城行街食饭，九龙城广场都算多野食，虽然比较静。今日心血来潮想食日本野，见到呢间放题都几抵食！就入去试下！食物选择都多，有部分用纸落单，都有唔同既沙律、熟食同糖水可以自助攞。寿司就必食！鳗鱼同烟三文鱼好正！入口即溶，无渣！饭既份量又岩岩好，唔会太大旧！炸物都多，炸粉唔算太多，即叫即炸，够新鲜！鸡翼系我最爱，一定要试。无煎既，得炸既。但炸得岩岩好，食落都唔会觉得好热气！饮品有好多，酒都有，有唔少韩国饮品！食饱再食下甜品同滋润糖水就满足晒！
继续阅读
朋友话喺九龙城附近有一间唔错嘅日式放题，今日就去试一试。环境都好阔落，装修简约。食放题梗系要疯狂地点样食。但后来有啲后悔....,因为好似叫得太多首先梗系要叫个刺身食先啦，非常之新鲜，甜虾唔系细细只𠮶啲，我都食咗好多只。跟住轮到个天妇罗啦，炸粉好趣，大家有机会一定要试吓个紫薯天妇罗好好食。令我谂翻起细个街边买炸嘢嘅铺头，有炸番薯食。寿司都好好味，竟然有火炙话我寿司食！牛楼粒都好嫩滑！个辣酒煮显味道唔错，不过就真系有啲辣，有啲放题呢一类嘅食物住得会好吃，啲钱会冇晒味，但呢间就唔会。而个寿喜烧未到就好正路，同出边食嘅收起烧嘅味道一样，而且里面啲料都好丰富。蒜蓉烧完杯都好好食，好新鲜。而个烧羊架就10分唔错，新鲜得来调味都系刚刚好。二嘢饮同埋甜品方面就比其他嘅放题选择多，雪糕种类都好多吓。你每人＄200都唔使都非常之超值
继续阅读
依家去九龙城嘅次数少之又少，咁啱今日过到嚟揾到间饱肚抵食服务非常好嘅日式放题。价钱虽然都系二百几，但佢有自助熟食、沙律吧、大量不同类型既甜品同雪糕雪条。仲有仲有.....饮品柜都好多好多选择，日本饮品都有。中意饮酒既连啤酒apple cider都有、跟住跟住......清酒梅酒都系放题！咁一定值回票价啦虽然人客不多，但坐位非常阔落，好舒适！值得一赞，服务系非常好抵赞店员态度亲切，难忘在埋单时因有少许阻滞，只系等多左好少好少既时间，临走佢地都好客气咁讲唔好意思。要我地等咁耐！其实等待时间真系不多，但就感受到被在乎既感觉！常常都说服务好紧要，系直接关乎客人会唔会再帮衬Menu👇🏻👇🏻放题食物众多，由其辣酒煮蚬、寿喜牛肉锅同蟹粥系good good good这里既熟食比生食好味，海鲜类就一般般！埋单都系$228/1位，另加一
继续阅读