首爾石鍋燒 (已結業)

今日女朋友生日，生日呢d咁重要既日子當然唔可以令佢失望啦。一早買好禮物，訂好枱，希望氹下佢開心：）我既寶貝豬豬最鐘意食首爾昵間餐廳，因為我地住得遠（大埔）所以好少出黎旺角。呢間餐廳0糸旺角女人街里面排檔旁邊，五臓雖少但麻雀俱全。光缐柔和也有sofa 座都幾舒適的。訂了座不用等位，首先叫個雞翼沙律做前菜，蔬菜好新鲜，有點胡麻醬，雞翼香脆可口！我叫咗泡菜鐡板牛肋骨，唔知點解我對呢個菜式特別情有獨鐘，侍應哥哥上菜時d香味已經四散，我隔離個阿叔都叮住我個飯幾秒鐘。而我既小寶貝就叫咗海鮮烤肉豆腐鍋，佢就鐘意呢到d石頭湯鍋，佢鐘意d湯，原來可以加湯！個侍應見佢個鍋冇湯主動問佢需唔需要加湯，女友當然開心：）叫咗2個小食，泡菜煙肉卷同一口雞，一口雞馬上食曬都唔記得映相添！一串煙肉卷有3個，裏面的泡菜被外面的煙肉包住，有汁幾juicy 的！飲品當然是韓國真露燒酒啦！飲得high high 地特別開心今餐又系開心滿意的一餐，價錢都幾實惠，下次有時間再過黎拍拖