影片
食家推介
呢间韩国野系旺角本身有两间，应该有一间执咗，系朋友以前带过我黎食过几次，佢夸到明明系九龙湾返学都放咗学特登走过黎食咁变态😂🙈，虽然我都觉得佢地既野系几好食，不过都不致于咁吸引既。今日见好耐冇食，又去食下。之前多数叫豆腐锅乌冬，因为钟意食粉面类同饮辣汤。今次试下第二d，10几分钟就上到餐，我唔记得系捞之前影相，个饭既配料唔多，鸡肉普通，呢个价钱都正常系雪藏鸡，本身酱汁唔多，捞半匙辣酱辣度啱啱好。跟set有粟米蛋花汤同热饮，例汤清清地配个饭刚刚好，整体价钱味道同份量都合理。店舖装修黑色为主，灯光较暗，佢冇大枱，一大班人较难围埋一齐食，但总算系几个休闲午餐之选。
继续阅读
me and my girlfriend was having our dinner after a long day, we only wanted a quite and clean place to have a normal dinner. Instead we got a very decent Korean meal. I had the seafood soup with rice, the soup was fresh and sweet, rice was fregrent and kimchi was well spiced(perhaps not homemade, don't know for sure)Nothing is too facny, they just made really good simple and wholesome food, which is what I love about it, it feels like home.
继续阅读
今日要到新填地买料，中午先到达当然要去到边食到边啦～今日去了同事介绍的石锅店，中午十二点到达排第二位大约等了十五分钟才入坐，其间当然看餐牌食咩先啦我选了番茄泡菜烤肉豆腐全锅跟饭同传统石头锅饭，入铺内坐位同坐位之间真系好close，不过服务都满意。食物送到，卖相吸引而且香喷喷，我的番茄泡菜烤肉豆腐～番茄🍅新鲜，泡菜入味又带点辣，豆腐滑烤肉又多⋯⋯满分汤汁送饭一流，传统石锅饭微辣好香口，送到枱面还发出炸炸声～好香饭焦味，整体食物无意见而且有水准，会再来的
继续阅读
一星期忙碌工作完，星期六同屋企人外出食下饭，又唔想饮茶，咁就揾下其他餐厅今次就试下韩国菜12点半左右到达，一入门已经见差不多坐满，剩1，2张四人枱，(其实店面都不算好大)翻开餐牌，见set lunch都唔太贵，心想又有咁多人帮衬，应该一定有其吸引之处点了3款食物：传统石头锅饭 (牛肉粒)葱蒜盐烧肥牛石头锅饭海鲜辣炒年糕炒年糕就麻麻地因为比较细碟，数埋得个10件左右贵左dd，仲要冇包饮品2款石头锅饭都不错其实如果叫番石头锅饭嘅，包饮品及萝卜粟米蛋花汤，都系50蚊左右，而家呢个时势真系算平。唔想成日都系食西餐，又或者茶餐厅，想食下石头锅饭，呢间平平地系唔错嘅选择。
继续阅读
3/1/2018 夜晚同朋友食晚餐 我嗌左一个鸡肉传统石头锅饭 虽然都知道图片只供参考呢个道理 但系一上菜既时候真系呆左 得几条萝卜丝 几粒粟米 几条芽菜 一只鸡蛋 几旧鸡 无错 配料净系得咁多 但全部都系得几条 问左侍应 净系叫我「了」下个底就会有 但「了」完都无 根本就系得面头个几条 极度失望 饭量系好多 但成晚净系个自己食左好多白饭 完全唔知自己食左咩料 呢到除左提供水 但唔会主动帮你斟水之外 都无咩服务可言 完成觉得另收加一系唔合理 绝对无下次！
继续阅读