影片
更多
2019-11-05
93 浏览
今晚Halloween夜雖然蘭桂坊又唔去得，但都不減覓食既興致，一早book定omakase食好野。之前食 omakase 係食lunch貪佢平啲，但因為福川比起其他日本餐廳既晚餐 omakase 平好多$1288，睇食評野食又唔錯就一於試下啦。感受到上菜順序諗過度過，前菜，刺身，熱食，壽司，再熱食，再壽司，最後甜品。呢個順序簡直滿足晒每種味覺同觸覺，又岩晒唔食得凍野既中女。前菜有3款，全部細細份俾客人開左個胃先，由右至左，豆腐、漬墨魚、漬吞拿魚味道由輕至重食落去。刺身： 吞拿魚他他混入蔥花，配上柚子他他醬塗上脆脆多士上夠晒fusion。池魚他他簡單地用薑蔥檸檬汁調味，突出魚味。鰤魚係超級油甘魚，超肥美。第一款熱食係五花肉豚角煮，豬肉隔肥隔瘦已經超正架啦，仲要煮到入晒味又軟綿綿，淨係食呢款都可以送食飯白飯🤤之後就食三款壽司：金目鯛、池魚王、小磯魚，新鮮所以每款魚味都各有特色，食得出，個人最中意金目鯛比較甜口。第二款熱食：燒春魚配松子仁蛋黃醬 ，燒得過火左啲，乾身，但蛋黃醬加番啲濕潤同層次。第二輪壽司： 秋季先有既秋刀魚，刀工超好起晒片唔腥，勁鮮甜，建議用手食，你會感受到魚肉質感軟綿綿，
感受到上菜順序諗過度過，前菜，刺身，熱食，壽司，再熱食，再壽司，最後甜品。呢個順序簡直滿足晒每種味覺同觸覺，又岩晒唔食得凍野既中女。
前菜有3款，全部細細份俾客人開左個胃先，由右至左，豆腐、漬墨魚、漬吞拿魚味道由輕至重食落去。
刺身：
吞拿魚他他混入蔥花，配上柚子他他醬塗上脆脆多士上夠晒fusion。
池魚他他簡單地用薑蔥檸檬汁調味，突出魚味。
鰤魚係超級油甘魚，超肥美。
第一款熱食係五花肉豚角煮，豬肉隔肥隔瘦已經超正架啦，仲要煮到入晒味又軟綿綿，淨係食呢款都可以送食飯白飯🤤
之後就食三款壽司：金目鯛、池魚王、小磯魚，新鮮所以每款魚味都各有特色，食得出，個人最中意金目鯛比較甜口。
第二款熱食：燒春魚配松子仁蛋黃醬 ，燒得過火左啲，乾身，但蛋黃醬加番啲濕潤同層次。
第二輪壽司：
秋季先有既秋刀魚，刀工超好起晒片唔腥，勁鮮甜，建議用手食，你會感受到魚肉質感軟綿綿，好得意。
墨魚用左黑海鹽、青檸皮調味，切成粒狀，比起普通一片片做法，甜味更突出。
赤貝新鮮，爽口。
醬油拖羅特別有驚喜，拖羅表面輕輕煮熟令到質地更容易吸收祕製醬油，入先嚐到醬油香，其次係被黃芥辣強調出既吞拿魚油脂，三種味有互相加強既效果。
第三款熱食： 大蜆味噌湯，鮮味濃郁。
最後海膽飯，甜甜甜! 太正啦。
最最最後就係日本蜜瓜同香印，即使已經好飽都一定要食埋甜品先有滿滿儀式感，香印充滿花香，食完兩粒差啲開左兩朵花係頭頂!
下一個節日又係我搵藉口食好野既時候
张贴
