GREEN

星期一請左下午假同朋友去食下午茶，慶祝朋友生日。今次既主題係GREEN X GODIVA華麗三重奏，平日$728+1 for 2，我飲銀月綠茶，朋友飲花果山茗茶。下午茶可以無限品嚐GODIVA軟雪糕，黑、白朱古力或兩溝，我食左兩溝同黑朱古力既cone，其實都唔食得多，因為都好飽。前菜: 鮮蠔周打湯配吉列炸蠔，兩個都好好食。主菜: 草飼牛柳配黑松露薯蓉法邊豆、烤焗盲鰽魚配非洲小米、柚子及蜜糖芥末醬，牛柳同盲鰽魚都好嫩滑。甜點: GODIVA士多啤梨巧克力、軟心巧克力小熊、伯爵茶法式蛋糕馬卡龍、榛子芝麻巧克力、黑森林忌廉泡芙配酒漬櫻桃、棗紅色巧克力聖誕球、英式傳統鬆餅配奶油忌廉及自家製士多啤梨荔枝玫瑰果醬。軟心巧克力小熊比較深印象，朱古力moouse夠滑，其它正常發揮，因為一次過甘多朱古力都幾膩，所以覺得其它個味都大致相同，而鬆餅就細細件，都幾好食。慶祝生日有額外既蛋糕仔送上。