影片
更多
2023-06-19
141 浏览
-Fuwa Fuwa Cafe-@荃灣.經過見到呢間Cafe有期間限定的焙茶Menu，身為焙茶愛好者的我即刻決定試下。.一入門口見到有個小角落放左好多寵物相關的寄賣產品，有食物有小首飾等。原來哩度係Pet Friendly 的Cafe，而今晚哩度的店員係守宮「香蔥炒蛋」😆同Cafe的Logo一樣樣架。.好少接觸爬蟲類，本身有點害怕。店員好熱情好詳細咁介紹店長俾我地，聽得出佢對爬蟲類真係有滿滿愛心，了解過後又好似無咁驚。.Cafe以甜品為主，有幾款素食飯的選擇。食完成餐，我同寶寶一致覺得佢地真係好抵食，無論賣相定質素，就算佢地定價再高一點都會願意再去試的。.素紅酒燉牛肉飯 ($65)完全食唔出係素食，個紅酒汁煮得味道剛好，加埋薯仔紅蘿蔔的配料調味，伴飯食一流。.睇落覺得好細份量，但原來好夠飽。.焙茶千層蛋糕配朱古力雪糕 ($62)超精緻的甜品，放係黑色石碟上賣相一流。.焙茶千層蛋糕好香濃焙茶味，唔會好甜，但一點都唔苦澀。每層的班戟皮都做得好薄身，中間搽滿平均的忌廉，而忌廉軟滑得來又好輕身，食晒成件都唔會好漏。.個人覺得千層蛋糕就咁已經好好食，但如有覺得茶味太濃，配埋甜甜的朱古力雪糕，就剛
-Fuwa Fuwa Cafe-@荃灣
.
經過見到呢間Cafe有期間限定的焙茶Menu，身為焙茶愛好者的我即刻決定試下。.
一入門口見到有個小角落放左好多寵物相關的寄賣產品，有食物有小首飾等。原來哩度係Pet Friendly 的Cafe，而今晚哩度的店員係守宮「香蔥炒蛋」😆同Cafe的Logo一樣樣架。.
好少接觸爬蟲類，本身有點害怕。店員好熱情好詳細咁介紹店長俾我地，聽得出佢對爬蟲類真係有滿滿愛心，了解過後又好似無咁驚。.
Cafe以甜品為主，有幾款素食飯的選擇。食完成餐，我同寶寶一致覺得佢地真係好抵食，無論賣相定質素，就算佢地定價再高一點都會願意再去試的。
.
素紅酒燉牛肉飯 ($65)完全食唔出係素食，個紅酒汁煮得味道剛好，加埋薯仔紅蘿蔔的配料調味，伴飯食一流。
.
睇落覺得好細份量，但原來好夠飽。
.
焙茶千層蛋糕配朱古力雪糕 ($62)超精緻的甜品，放係黑色石碟上賣相一流。
.
焙茶千層蛋糕好香濃焙茶味，唔會好甜，但一點都唔苦澀。每層的班戟皮都做得好薄身，中間搽滿平均的忌廉，而忌廉軟滑得來又好輕身，食晒成件都唔會好漏。.
個人覺得千層蛋糕就咁已經好好食，但如有覺得茶味太濃，配埋甜甜的朱古力雪糕，就剛好。
.
曲奇都係守宮店長的造型，好可愛好有心思。.
點焙茶甜品或素食飯餐就可以$20優惠價加配焙茶特別，超級抵飲，所以我地加配2款試晒。
.
焙茶拿鐵配特製茶凍 ($20)鍾意茶香的千萬叩錯過。完全唔甜的Latte，焙茶味好香，加埋順滑牛奶和勁重茶味的茶凍，一試愛上。
.
香濃朱古力焙茶特飲配特調奶蓋($20)哩杯有香濃朱古力同奶蓋，所以茶味無咁突出。朱古力好濃滑，淡淡帶點焙茶香，味道又幾夾喎。加埋厚身奶蓋，岩晒怕茶味的朋友仔。
.
张贴
