影片
更多
2023-07-04
118 浏览
聽講呢間主打fusion拉麵，第一次見有花雕雞白湯拉麵，本身我好鍾意食醉雞又好鍾意雞白湯，不過上網睇一係話好好食一係話伏到爆，冇乜中間cm😂唯有自己親身去試下。因為自己好鍾意酒味濃，就叫咗「參重」花雕酒，應該係3倍咁解？上菜時原來本身係就咁雞白湯拉麵，酒另上要自己淋落去咁樣，仲以為係成個湯都係用酒煮添，不過咁就可以試咗原味先再加酒，一次試勻兩隻味。先飲啖湯底，其實都算濃郁，係幾香嘅雞白湯嚟，都忍唔住飲多兩啖先落酒。落完酒頭個幾啖唔知點解唔太覺酒味，本身仲嫌唔夠酒味，點知越食到底酒味越濃，好彩冇再問有冇得加酒；麵都係正正常常，配搭嘅雞叉燒同鴨叉燒就驚喜得多，一碗入面有3塊雞1塊鴨，雞胸肉叉燒煮得幾嫩，但味道嚟講鴨叉燒出色好多，可惜唔係兩塊雞兩塊鴨整體嚟講呢個拉麵幾啱我口味，唔覺有人哋講到咁伏。不過成個拉麵計埋加一要成$130，啲服務又未算好好，啲侍應唔算醒目，點餐埋單都等咗好耐先有人嚟，你話係咪抵食就真係唔算，偶然食下過下口癮就ok
聽講呢間主打fusion拉麵，第一次見有花雕雞白湯拉麵，本身我好鍾意食醉雞又好鍾意雞白湯，不過上網睇一係話好好食一係話伏到爆，冇乜中間cm😂唯有自己親身去試下。
因為自己好鍾意酒味濃，就叫咗「參重」花雕酒，應該係3倍咁解？
上菜時原來本身係就咁雞白湯拉麵，酒另上要自己淋落去咁樣，仲以為係成個湯都係用酒煮添，不過咁就可以試咗原味先再加酒，一次試勻兩隻味。
先飲啖湯底，其實都算濃郁，係幾香嘅雞白湯嚟，都忍唔住飲多兩啖先落酒。
落完酒頭個幾啖唔知點解唔太覺酒味，本身仲嫌唔夠酒味，點知越食到底酒味越濃，好彩冇再問有冇得加酒；
麵都係正正常常，配搭嘅雞叉燒同鴨叉燒就驚喜得多，一碗入面有3塊雞1塊鴨，雞胸肉叉燒煮得幾嫩，但味道嚟講鴨叉燒出色好多，可惜唔係兩塊雞兩塊鴨
整體嚟講呢個拉麵幾啱我口味，唔覺有人哋講到咁伏。不過成個拉麵計埋加一要成$130，啲服務又未算好好，啲侍應唔算醒目，點餐埋單都等咗好耐先有人嚟，你話係咪抵食就真係唔算，偶然食下過下口癮就ok
參重花雕醉雞湯拉麵
$118
5 浏览
0 赞好
0 留言
张贴
