樂麵

賣相還好！但湯底應該係拉麵嘅神髓，老公點咗雞白麵，我點咗鰹魚湯麵！坦白講兩個湯底都平平無奇，沒有驚嘆嘅感覺！湯底完全冇層次，感受唔到是否用時間及材料熬製出嚟嘅湯底。嗰啲大蔥絲沒有味道，而且偏硬。全晚最好食就係日式餃子，出面juicy店舖本身裝修亦都出現問題，令人坐得很唔舒服！我哋去到嘅時候係大概6:30左右，明明店內冇乜人，但都要我哋坐近倉庫嘅吧枱二人位！感覺不被尊重！最終坐近門口位，但冷氣亦都非常之唔夠！問佢攞Menu嚟睇，佢話手機就可以睇晒！非常之唔專業總之無下次😥😥😥…查看更多

收工食飯想快靚正，喺新都會搵到一間唔洗排隊嘅樂麵！但...今次中咗伏😭。【限定】超重味鮮豚背脂厚切五花肉赤麵豉湯＋鳳尾雲吞，湯底真係好咸，五花肉睇落肥瘦適中，好期待，但食落肉竟然好柴！加$18嘅鳳尾雲吞細細隻，味道冇咩特別，唔太抵食。【直火燒】12小時自製秘汁 溫泉蛋薄切梅花豚飯，豚肉都係硬身嘅，秘汁分量少，飯底完全拌唔均。成餐入面最驚喜只有粒溏心蛋🥚✨…查看更多

叫了一碗「12小時自製秘汁溫泉蛋薄切梅花豚飯」。豚肉燒得頗香，但白飯很硬和只是微熱，告訴侍應後，廚師主動換了一碗新的給我。換過的飯熱度也只是好了一些，但還是很硬，不過還是算了，不想再換。六片豚肉極肥和極薄，完全連我吃得這麼小的女士也完全覺得不夠，份量只夠送小半碗飯。吃完後見到碗底全是豉油，剩低的白飯硬得一粒粒，也不能吸掉豉油。$82連加一完全不值。怪不得坐下後一直沒有其他客人。現在我明白了。以後也不會再幫襯。:(:(…查看更多

日系向濃厚雞白湯好飲到可以飲晒成碗雖然中途師傅出咗去冇人整餐，但只要通知聲店員就會即刻出嚟整到醬油溏心蛋嘅醬油味略嫌不足，雞油味好出好香，重口味人士必試。肉嗰方面少少「鞋」但都保留到鮮味。麵質選取正常硬度都夠，普通拉麵就足夠掛汁。下次會再試其他。…查看更多

一家四口行葵廣基本上下午茶時間都食到七分飽，不過小囡生日就正正經經食個晚飯。本來打算食PepperLunch，但路經樂麵，給老闆推銷一輪，好吧！就試一試。假若看了OpenRice的評語，可能會被影響而不進來，不過實際上吃了，倒值得一試。老闆好好客，得知小囡生日，還直接就開了兩枝汽水給她們，其次推介不同菜款。我們點了雞白湯、安格斯牛肉飯、牛肋排湯麵，與及大阪燒煎餃。雞白湯，跟日本吃的很像，吃得出沒帶味精，拿純雞燉出來，肉略帶點點肥，不知是不是為小囡生日而加大了，溫泉蛋全隻上，肉也很多。牛肉飯好好口感，至於牛肋排湯麵，那條牛肋排size真係大很誇張呢！吃完牛肋條基本都超飽了！肉質很嫩，很上味！店員基本都很有禮，未覺之前的負評所指的情況。一家吃到飽走。兩個麵一個飯一碟餃子，埋單連加一$421。另，特別多謝老闆熱情招待。希望你對拉麵烹調嘅初心不變💪🏻💪🏻…查看更多

芫荽麵，成碗都係老芫荽，味道還可以接受，但唔係美味果隻，本身唔夠湯，老芫荽浸唔到湯，難食，想加湯又唔得，叫淋麵又唔夠淋，即刻無哂胃口。濃湯白雞麵好普通，咁既價錢有太多選擇，叫淋麵變爽麵，真。無下次。…查看更多

我一般嚟講都唔要面對食有咩要求，但係今次不得不寫，免得大家中伏。呢個拉麵真心，未試過咁難食，啲湯淡到仲衰過返煲完嘅湯。跟本同有味嘅水無分別，以後唔會再幫嚫。另外有叫餃子，to be fair，係ok 嘅，不過追加＄5x 10 隻，都係有啲貴，不過不失吧～最後，加大左個餐可以無限追加蔥，點會估到唔係日本蔥。當然，佢無講係日本嘅，而我都知佢咁嘅價錢的確難，不過我心存僥倖啫～ 我情願佢唔好任加，比返啲正常嘅，對返起個價錢囉～…查看更多

行街見攰攰地搵野食，第一次食，但奉勸大家不可一不可再！首先上菜速度極慢，大概等咗30分鐘先有嘢食。但講緊成間餐廳都係得四枱客左右，而且味道非常一般，完全不值呢一個價錢。最惡劣嘅係服務員嘅態度。1. 一份嘢食都冇嘅時候就話截單，要我哋俾咗錢先。2. 比飲品嘅飲管嘅時候，亂咁擺落嚟。3. 之後上麵既時候，兩碗求其擺落嚟，冇問過我哋邊一個食邊一碗。4. 仲有最後唔知係咪趕收工，我哋都未食完野，佢就收晒啲水，之後就喺隔離拖地！我想講我哋杯水飲完再斟多杯郁無，仲要勁大陣消毒藥水味充斥住我地！咁既服務仲要加一服務費！都唔知服務左係邊！…查看更多

最近去果次應該系十月頭, 大約下午3~4點左右唔多人既時間, 平時我都會坐系4 人位, 食完就即走, 唔好阻人做生意,  今次我都系咁做, 鋪頭大約有兩枱客, 坐低準備落單時個服務員小妹話叫我坐去吧枱, 我話唔坐得唔得(因為坐得好唔舒服), 對方話唔得, 一定要, 我覺得佢應該系新黎, 上司有教佢咁做先會咁講, 咁呀...我唔食啦, 轉身就走,  以後我應該都唔會再幫襯, 祝尼間鋪以後生意興隆啦!…查看更多

行完葵廣又想食正餐🍜見到呢間無人排隊 就入咗去試吓雞白湯拉麵🐓雞白湯係好濃 似飲濃湯咁拉麵軟硬度就適中正常 可惜冇永樂伊麵 賣晒冇入貨豚肉雞肉叉燒就正常嘅 冇太大驚喜醬油糖心蛋 都唔錯 蛋白都有淡淡嘅醬油味唔會太鹹至於胡椒豚肚湯拉麵🐖湯底真係好濃嘅胡椒豬肚湯味 飲到後面係偏辣嘅湯底都係比較濃郁 不過飲到後面會有啲涸喉我哋叫咗多蔥多洋蔥多芽菜 所以嚟到係真係好色彩繽紛秋葵釀蝦膠炸串🥦味道都幾特別 蝦膠係彈牙嘅而且食落去唔會有潺落鹽灑咗喺秋葵度調味 令到個秋葵味突出…查看更多

新都會俾人感覺係好多嘢食好多嘢買亦都行得好舒服隔離喺葵涌廣場，但係兩個地方感覺唔一樣，而新都會比較集團式，大型一啲，比較有規律乾淨調理嘅餐廳駐守！今次揀咗二有呢間門面都好吸引嘅拉麵舖！樂麵成間店都係紅色為主，感覺日本風味好重，所以好期待佢個拉麵好日本地道嘅味道！首先嚟個真熬雞白湯蕎麥拉麵！雞湯味濃！唔稀又唔杰撻撻，剛好日本拉麵湯底嘅味道！配埋蕎麥拉麵蛋口程度剛剛好！配菜仲有紫洋蔥碎粒，撈埋落啲面度一流！再嚟雙重花雕雞湯伊麵，好重花雕味，但係唔係搶喉嗰種！又係雞湯配搭撈埋紫洋蔥水連埋麵一齊食，有質素都有8.5分，叉燒亦都好薄，配埋面食係好食！單食就比較單調！所以一定每食一啖要飲個湯！咁先係最夾！…查看更多

平時香港食拉麵食得多，來來去去都係果幾款，今次試下香港品牌拉麵店，仲加入左香港元素同拉麵都係搵香港麵廠去整，誠意十足就試下啦真熬雞白湯拉麵平時喺日本都好鐘意食雞白湯拉麵，因為好濃郁但無其他湯底咁鹹，樂麵哩個拉麵用咗永樂粉麵廠出品嘅麵嚟做拉麵，本身有買開永樂嘅麵係屋企煮，拉麵就未食過，口感幾似日本拉麵，軟硬適中口感有啲彈牙，都幾掛湯湯底其中部分用咗悅和醬油，欣賞餐廳願意喺傳統中保留香港獨有味道，湯底濃而不膩，有濃郁雞味，似熬咗幾耐變濃縮嘅湯肉質算嫩，肉味充足同行朋友叫咗胡椒湯，我比較重口味，試完覺得胡椒湯啱我啲，有啲胡椒香，下次再食吧本身個位已經唔闊，果日用大概A4 Size嘅袋，店員無指引有籃放袋 （或者真係無提供？），全程都要攬住食有啲唔方便，如果係櫈底加番個位放野會好啲…查看更多

本來想吃壽司郎, 仲有100個籌, 轉去樂麵,第一次幫襯, 喺門口睇menu職員熱心介紹, 唔同湯底冇味精, 坐低雖然可以用qr code落單但係職員都主動幫我落單, 可能叫我第一次幫襯傻下傻下, 湯都有雞湯, 鹽味湯, 辣湯, 魚湯, 本地悅和醬油湯等等, 我2人叫咗一個魚湯一個雞湯, 雞湯味道出啲👍, 麵可以選擇軟硬, +$15轉永樂麵, 麵都有正常size或者加大size, 普通人吃正常size已經夠, 湯,豚肉,蛋,麵各方面都做到平衡, 另外我都叫了奶茶有濃郁茶味, 最後九折買了一袋永樂麵, 會再幫襯😍…查看更多

食咩最緊要有得揀～！麵底可揀，湯底可揀，濃淡可揀，配料可揀，飲嘢可揀～ 小食都幾多款式可以揀～最後我揀咗雞白湯、較淡味、蕎麥麵，仲揀多個白魚蛋串添～ 朋友就揀豚骨湯，濃味，日本拉麵，加玉子！雖然揀咗淡味，但雞白湯依然濃郁，相信係冇咁鹹更健康！ 蕎麥麵軟硬適中，有麵香，好好食～豚骨湯都唔豬騷，濃郁得嚟唔會過鹹～ 日本拉麵都好彈牙，而且豚骨湯味濃，令啲麵更好食😋白魚蛋串小食超彈牙，又有椒鹽香😋 可惜唔夠熱～ …查看更多

濃口胡椒豚肚湯，個湯底好似攞咗飛水嗰啲水嚟煮麵做湯底咁，超級難食，超級大雪藏味秘製陸雞香鹽湯，好似攞咗飛水嗰啲水加啲油同埋加啲鹽就變咗一個湯底，千祈唔好去真係好難食…查看更多