Espuma (H8) (已易手) 新餐厅

今日我去咗尖沙咀食飯，朋友話好想食呢間野，我其實之前都食過兩次，一次係灣仔，另外一次喺尖沙咀，食物質素都幾好嘅，因為佢比較fusion，啲菜式特別啲，又唔知出面嗰啲西餐廳好一式一樣。我哋叫咗一個snack，然後一個main，同一個甜品。Chilli Crab Tarts $85佢得三件好矜貴，但佢係好食嘅，入邊嘅蟹肉好多而且佢個牛油tart皮好脆，佢一邊嘅蟹肉好新鮮之餘仲有辣辣地，好啱做開胃菜。Shan Shui $208我哋冇叫到意大利麵或者飯，反而叫咗呢個充滿藝術氣息嘅dish。佢入邊係菠菜、糯米飯、糖心蛋、同埋雞肉。呢個配搭好新鮮，而且一齊食落去都幾得意，估唔到可以咁煮！Soulmade $108個皮好脆，雪糕有幾個層次，有少少似以前藍色盒童年三色雪糕！不過個雪糕有少少硬😂佢個custard同生果配埋好滿足。