影片
更多
2014-11-26
859 浏览
F & B=Food & Beverage?Fashion & Beauty?Fall & Balance?…某日同朋友係上環亂行搵野食點知就經過呢間提供多國風味麵食既餐館朋友話之前都聽過類似標榜無味精既外國版車仔麵既野無意中發現就梗係要試下啦Gurney 葛尼 $88呢款係佢地其中一款代表作特別在於佢用左兩款麵條：Hoikken Noodles and Thin Rice Noodles一粗一幼，前者係福建蝦麵，有點嚼勁及麵香後者係幼身米粉，則夠幼細可吸汁，十分夠味辣蝦湯底十分鮮甜，係忍唔住會飲哂重點係跟手我冇喉乾同喉痛，證明佢用料都幾自然既:^)（以前食譚仔真係一出門口已經喉嚨唔舒服，因此我咁多年都冇再食佢其實有埋蝦係入面，仲要係鮮蝦大小，真係落足料既只係我食果隻係乾身而朋友話佢果隻有點不新鮮Tokyo 東京 $78呢款就不期然令人諗起普通日式醬油拉麵講真個賣相係吸引既，但好似唔多特別……首先係個溫泉蛋，因為朋友唔食，所以我可以獨吞xd真係要吞，只因一口放入，爆漿程度比熔岩更澎湃蛋漿就可以瞬間充斥口腔同埋夠濃稠，蛋香又重，豐嫩可口呢個麵係配牛肋肉既，味道都唔錯架牛肉香稔，一抿即化，
F & B=Food & Beverage?
Fashion & Beauty?
Fall & Balance?…
某日同朋友係上環亂行搵野食
點知就經過呢間提供多國風味麵食既餐館
朋友話之前都聽過類似標榜無味精既外國版車仔麵既野
無意中發現就梗係要試下啦
Gurney 葛尼 $88呢款係佢地其中一款代表作
特別在於佢用左兩款麵條：Hoikken Noodles and Thin Rice Noodles
一粗一幼，前者係福建蝦麵，有點嚼勁及麵香
後者係幼身米粉，則夠幼細可吸汁，十分夠味
辣蝦湯底十分鮮甜，係忍唔住會飲哂
重點係跟手我冇喉乾同喉痛，證明佢用料都幾自然既:^)
（以前食譚仔真係一出門口已經喉嚨唔舒服，因此我咁多年都冇再食
佢其實有埋蝦係入面，仲要係鮮蝦大小，真係落足料既
只係我食果隻係乾身而朋友話佢果隻有點不新鮮
Tokyo 東京 $78呢款就不期然令人諗起普通日式醬油拉麵
講真個賣相係吸引既，但好似唔多特別……
首先係個溫泉蛋，因為朋友唔食，所以我可以獨吞xd
真係要吞，只因一口放入，爆漿程度比熔岩更澎湃
蛋漿就可以瞬間充斥口腔
同埋夠濃稠，蛋香又重，豐嫩可口
呢個麵係配牛肋肉既，味道都唔錯架
牛肉香稔，一抿即化，只有少許油香，更多既係牛肉肉香
一碗都有三四件牛肋肉，只係影相遮住左（只求食，真係冇咩用心去影
湯底係雞湯，有點浮油，不過算係鮮香清甜
稀身湯底，食落就冇咁漿口同油膩
麵底就的確係拉麵，可謂稔而不爛，帶有嚼勁既
Kueh Dadar 班蘭椰絲卷 $30賣相甚算吸引，也許是因為兩款食材都係我好中意既
外層係班蘭班戟，薄身卻煙韌帶嚼勁
班蘭味道清香不人工，感覺自然順口
椰絲唔係平時好幼細短身既，佢係真係椰肉刨絲既長條狀
爽口重椰香，又唔會老韌得黏牙縫
加上混入左椰糖，甜得黎更加提升椰香
濃郁香甜，不油不膩
感覺不錯，只係份量較細，唔算抵食
店外既標誌令人注目，吸引眼球性價比黎講係屬於有閒錢先試
因為佢一碗都要$6x-9x，味道質量係ok既
只係附近好多平價或更高質選擇，所以可以考慮其他
张贴
