青花 (THE FOREST)

第一次喺旺角新商場The Forest 覓食，青花的裝修運用近年流行的大形乾花吊飾和玫瑰金輕奢路線，落地玻璃望到戶外大片草地，光線充足，很有度假氣氛！至於食物，賣相精緻，分量對女仔來講相當大！性價比極高！🌟冬陰單骨炸雞翼 $82猶豫咗好耐叫雞皮卷定係雞翼，店員推介如果鍾意食辣就叫呢個！果然超級惹味，外皮好酥脆，個冬陰功辣汁好入味，深滲雞肉內層，越食越辣！單骨雞翼食起上嚟好方便！🌟馬薩拉香料牛肉咖喱 $128 + 白飯$15 這份咖喱味道相對比較平和，微辣得來帶點乳酪酸味，容易入口！除了牛肉之外，裏面還有滿滿蔬菜和腰果，多重口感！很好送飯🌟藍蝶花蟹肉菠蘿炒飯 $138用蝶豆花染成紫藍色的好吸睛！上邊灑上滿滿的蟹肉、肉鬆、腰果、菠蘿仲有提子乾，食落爽脆得來帶着甜味幾開胃，燒香過的菠蘿更清甜，而且混進提子乾，令這個菠蘿炒飯比一般的口感更香甜我覺得特色飲品是這裏的重點推介！款款都好有特色！齋嚟飲番杯都值得！😋🍸 蝶豆花椰子奶蓋 $48漂亮的紫藍色層，椰子奶超香超濃郁！🍸龍鬚三色奶蓋冰$48 頂上的幻彩龍鬚超吸引！鬆鬆軟軟，加埋三色果凍和香濃椰子奶！好refreshing