和牛燒肉‧純

一個月食一餐好野慰勞下自己既辛勤工作都好值得！同事係食家，搵左呢間係尖東既和牛燒肉店，食物質素高，環境服務也不錯。有熱毛巾抺手，係幾窩心既。店員首先同我地介紹左牛既每個部位同邊個部位最好食，介紹完之後我地都唔諗啦，直接叫佢話事幫我地order。望到個樣都流哂口水，呢度有五款牛，分別由最淡味食到最濃味。首先有三款牛既腩位，由最低到最高，最高就最靚，口感亦最好，切得最厚哈哈。跟住食牛舌，薄薄地，牛味的確好重，爽口彈牙，但未至於想食完再食。最後食牛橫隔膜，雖然聽到有啲驚，但原來食落出奇地好味又爽口又唔韌，值得一試！見到呢碟唔單止流哂口水，就黎想連個碟都食堆呢度有肉眼，西冷同牛排，雖然唔知點分，但物以罕為貴，最細嗰舊係最好食架！入口即融絕對無得輸！脂肪比例岩岩好，每人分到兩粒咋，好矜貴啊媽。當然肉眼同西冷都係上乘之料，不過如果佢可以切厚啲就perfect池啦！呢個係柚子氣酒，挺不錯的，唔太甜又夠凍。