潮江春 (怡和大廈) (已結業)

呢晚 farewell 2個同事，開咗2圍。鴻運大拼盤：鵝片、丸子、海哲、腐皮。4樣小食都唔錯，爽口夠味。繡班花姿丸：爽口。原盅蟲草花花膠螺頭燉雞：清甜、夠味、足料。蠔皇燜原隻鮑魚：原隻上，好入味！古法蒸沙巴龍躉：大大隻，但都唔鞋，好滑，火喉啱啱好。金沙脆皮炸子雞：ok。上湯津菜膽浸翡翠苗：好好食，清甜、夠淋。黃金煎伊麵：好好食、夠脆，我食咗2塊半，剩低半塊因為侍應倒瀉酒落我到，無食埋。錦繡炒飯：太飽，無食到。紅棗糕/煎堆仔：太飽，無食到。