蟹膳 (已搬遷) 新店位置

Farewell的好選擇，因為地方唔會太嘈，裝修都幾特別，特別係個大門，走過左都冇為意。第二次黎，今次叫左哩個lunch set , 前菜冇影相，係燒支豆來的。另外就係相中的蟹肉免治棒，點生蛋黃食的，都幾好食。主菜就係個蟹肉蒸飯，成個木箱放0係前面蒸，好正。份量都好多。同事第一次來食都嶄話好食。最後要左薑味雪糕🍦，好完滿！仲有值得一提係，侍應服務都好好，會幫你畢飯的。兩次來都係坐係廚師枱，對住廚師，比較0岩兩三個人來。如果多人來最好坐其他枱，方便傾談。