牛摩+ (上水廣場) (已結業)

自從係上水廣場開左牛摩，其實都幫襯過好多次，今次再度encore!!今次照舊食返SRF美國和牛餐90分鐘放題，俾大家參考下個餐牌。肉類黎講品種都豐富，有八款可以選擇、仲有肉丸、小食同海鮮類。湯底今次我地揀左博多美人骨膠原啫喱雞白湯，關東風壽喜燒。壽喜燒一直係至愛，但今日特登揀左呢款骨膠原啫喱雞白湯試，一放上黎幾咁吸精😍肉類一定唔少得美國和牛，俾大家睇下雪花分佈得幾靚👍🏼美國IBP牛板腱牛脂含量較低，但食落肉質都有鮮嫩口感。牛肉款類仲有牛舌可以無限追加！唔食牛既朋友仲有美國極上黑豚肉同埋雞肉可揀，都好嫩滑家。另外仲叫咗瀨尿牛丸、牛骨濃湯牛丸、鴨血、蟹籽墨魚滑👍🏼除咗上面手機落單嘢食，出邊仲有多款自助配粒、小食、壽司區，值得一提係蔬菜類別真係好新鮮👍🏼我最鍾意呢度係有多款飲品可以揀，咩味都有、仲有雪糕甜品區😋整體來講，幫襯左牛魔都唔少次，啲職員服務態度都係好好👍🏼值得加分