影片
更多
2021-11-09
314 浏览
E Molto 係一間喺銅鑼灣都幾知名嘅西式私房菜！我哋提早已經訂咗枱，上到去環境氣氛都好好，雖然玻璃可以望到銅鑼灣鬧市，但裝修設計令成件事好舒適relax。晚餐之前就食墨魚芝麻包+香草麵包+芝士脆脆配搭嘅醬有香草茄子+辣肉腸南瓜醬+黑醋橄欖油不得不說就係每款麵包都各有特色，而且都係好好食，食三件完全唔會覺得多，墨魚芝麻包香脆之餘仲有墨魚香味；香草麵包通常會好乾，但係佢係香脆得來唔會有呢個感覺；芝士脆脆就有鹹香。醬方面香草茄子個香氣真係好重，有少少似印度嗰種醬料；辣肉腸南瓜像味道比起啱啱嗰款濃，但唔會太鹹，正！今日唔飲酒就揀咗啲特別嘅果汁，暫時出面未見過，個水果味道好濃。挪威三文魚塔特別在上面有好多新鮮嘅三文魚粒粒，下面就有青蘋果/青瓜/牛油果三款，不同口感和味道，食落去都充滿水份，而表而泡泡是豉油，就好似真係食刺身點豉油嘅感覺。冰凍香辣番茄湯超好飲，本身個番茄味好濃食到啲蕃茄嘅質感，加上上面有一片香脆嘅風乾西班牙火腿，提升到第二個層次，+Jelly睇落似珍珠奶茶，冇乜特別味道但係好有口感。香煎鵝肝，呢款真係好厚切，仲要好大片，比想像中真係成個Double，煎得焦開，整體味道鹹香十足真
我哋提早已經訂咗枱，上到去環境氣氛都好好，雖然玻璃可以望到銅鑼灣鬧市，但裝修設計令成件事好舒適relax。
晚餐之前就食墨魚芝麻包+香草麵包+芝士脆脆
配搭嘅醬有香草茄子+辣肉腸南瓜醬+黑醋橄欖油
不得不說就係每款麵包都各有特色，而且都係好好食，食三件完全唔會覺得多，墨魚芝麻包香脆之餘仲有墨魚香味；香草麵包通常會好乾，但係佢係香脆得來唔會有呢個感覺；芝士脆脆就有鹹香。
醬方面香草茄子個香氣真係好重，有少少似印度嗰種醬料；辣肉腸南瓜像味道比起啱啱嗰款濃，但唔會太鹹，正！
今日唔飲酒就揀咗啲特別嘅果汁，暫時出面未見過，個水果味道好濃。
挪威三文魚塔特別在上面有好多新鮮嘅三文魚粒粒，下面就有青蘋果/青瓜/牛油果三款，不同口感和味道，食落去都充滿水份，而表而泡泡是豉油，就好似真係食刺身點豉油嘅感覺。
冰凍香辣番茄湯超好飲，本身個番茄味好濃食到啲蕃茄嘅質感，加上上面有一片香脆嘅風乾西班牙火腿，提升到第二個層次，+Jelly睇落似珍珠奶茶，冇乜特別味道但係好有口感。
香煎鵝肝，呢款真係好厚切，仲要好大片，比想像中真係成個Double，煎得焦開，整體味道鹹香十足真係同平時食鵝肉味差唔多，加上菠蘿柚子醋，及香脆嘅法包中和油膩感覺。
白桃乳酪雪芭就可以清一清味蕾，之後再食主菜，佢覺得咁有少少似雪糕，不過入口就即溶，甜甜地幾好食。
傳統燴荷蘭牛仔膝$758
牛仔膝係連同中/細型的骨，仲可以補充微量元素，覺得咁好軟熟，仲好入味，非常好食！仲有好多唔同嘅配菜，都係我鍾意食嘅。
唔好以為食埋主菜就完，仲有個
玫瑰茉莉茶超級清新，真係勁好飲，相當清香，如果呢款可能平時可以喺街搵到我應該會買返屋企沖茶。
仲有幾款朱古力係俾我哋配搭呢款茶
玫瑰白朱古力
棒子朱古力
茉莉胡蝶蘇
伯爵茶馬卡龍
款款都超特別，例如榛子朱古力裏面有啲果仁，好match；茉莉蝴蝶酥真係好似飲緊茉莉花茶嗰種香味 etc.
食完呢幾款朱古力依然有甜品
玉桂蘋果脆皮配雲呢拿雪糕
脆皮金黃香脆，裏面肉桂味道好清香，亦都有好豐富嘅蘋果肉，配搭雲呢拿雪糕真係一個唔錯嘅配搭。
嘢食好高質素，而且服務好好，絕對對得住價錢，出面仲有個outdoor嘅位置可以影到時代廣場同埋後面嘅打卡位，適合生日同周年紀念到訪。
张贴
