影片
更多
2022-11-02
31 浏览
對e-max嘅印象都係有展覽有show睇，平時冇活動就好少去，原來佢逢星期二睇戲有平，今晚就去睇戲加食飯。我地都鍾意食潮州菜，今晚就揀咗3樓嘅新潮樓，店舖面積好大，店員招呼好好，可以手機落單，部分菜式例如滷水雙拼/三拼就可以叫店員幫手落單，凍烏頭都係～滷水我地揀咗鵝片同墨魚雙拼，片得幾薄，一啲都唔韌，滷水汁都好香，有大量花生好正～薑汁方魚炒芥蘭嘅薑味恰到好處，方魚有鹹香，芥蘭爽脆，簡單一碟菜都做得好有水準。鍾意方魚嘅我地叫埋個方魚肉碎粥，一樣超好食，啖啖足料，粥底米粒分明👍🏻👍🏻凍烏頭好抵食，估唔到$168有咁大條，起骨出色，近魚尾位近乎無骨，普寧豆醬好香濃。甜品雖然選擇唔多但非常好食，福果芋泥啲芋蓉超幼滑，食到好飽都忍唔住清晒🫣
我地都鍾意食潮州菜，今晚就揀咗3樓嘅新潮樓，店舖面積好大，店員招呼好好，可以手機落單，部分菜式例如滷水雙拼/三拼就可以叫店員幫手落單，凍烏頭都係～
滷水我地揀咗鵝片同墨魚雙拼，片得幾薄，一啲都唔韌，滷水汁都好香，有大量花生好正～
薑汁方魚炒芥蘭嘅薑味恰到好處，方魚有鹹香，芥蘭爽脆，簡單一碟菜都做得好有水準。
鍾意方魚嘅我地叫埋個方魚肉碎粥，一樣超好食，啖啖足料，粥底米粒分明👍🏻👍🏻
凍烏頭好抵食，估唔到$168有咁大條，起骨出色，近魚尾位近乎無骨，普寧豆醬好香濃。
甜品雖然選擇唔多但非常好食，福果芋泥啲芋蓉超幼滑，食到好飽都忍唔住清晒🫣
张贴
