影片
适逢假期一家人去食，个蚝饼炸到干到似饼干，又劲多粉，蚝系有嘅，但唔多而且无咩蚝味虾蟹枣真系完全颠覆认知，根本就系猪肉丸，完全唔见有虾肉同蟹肉，虾蟹味更加欠奉，问返个经理，话系咁整，fine！咁当我唔识嘢啦，我唔系第一次食潮州嘢，咁垃圾嘅虾蟹枣真系第一次食，仲要唔平，而且得8粒我地7点半去，叫左个48蚊一位嘅汤，叫4位，等完一轮，最后话得返一位份量，仲好意思问我地要唔要，我话唔需要喇，个经理即时黑面另外叫左个方鱼肉碎粥，黎到得冬菜同肉碎，完全无方鱼，同个staff讲，佢就话要经理先处理到，咁啱阿经理先生去左厕所，等左10分钟左右，返到黎同返佢讲，佢睇完话加返d方鱼俾我，我当时觉得已经唔想再中伏，就话唔需要喇，麻烦帮我取消，阿经理又再黑面，气冲冲咁走左去，到埋单时张单就咁掉系我地台面成餐饭唯一可取系只烧鸡同个海味杂菜煲，你话死唔死？我地系黎食潮州菜呀！唯一合格嘅系一般酒楼都食到嘅菜，咁我做咩黎呢度食饭呢？！
继续阅读
早几日要去九龙湾展贸做啲嘢，所以晚饭都决定喺𠮶边食埋。见到喺大堂有一间食潮州嘢，所以就依间啦。入到去见到环境都好宽敞，坐落去都觉得系干净嘅。店员俾咗QR code我哋自己落单，亦都有比一啲唱牌，我哋睇见到都有唔同嘅菜式同埋套餐。不过因为我同朋友得两个人，所以就散叫。啫啫虾干虾酱通菜成碟通菜非常之大兜，同时上菜𠮶阵时热辣辣，闻到好大浸虾酱味，风味十足，令人食指大动。味道方面，除咗有大量通菜同埋虾干之外，仲有好多虾酱同埋肉碎，呢啲肉碎同埋通菜都充满着虾酱咸香嘅味道，十分有风味。通菜食落亦都新鲜幼嫩，唔会煮得好老，咬落爽脆。讲讲个汤，粟米鱼肚羹非常之大碗，饮晒真系好饱肚。味道方面，调味适中，打芡打得非常好，唔会话成煲嘢觉得好胶或者太水。值得一赞嘅地方系鱼肚非常之大块，而且口感非常顺滑，味道清爽冇腥味。感觉充满着胶原蛋白，再加埋蛋花，令口感更丰富。佢都有俾埋胡椒粉等食客自己落，所以就唔使怕唔食得辣。芝士虾球伊面同样大碟，虾球嘅大细都好够大只啖啖肉。伊面嘅芝士汁，亦都好多，令到成个面都充满浓郁嘅芝士味，诚意满分。味道方面，虾球口感弹牙爽滑，味道清甜。芝士伊面面质扁身，口感较软，所以非常之容易咬开。加上每一条面都充满着邪恶嘅芝士汁，芝士汁亦唔会杰挞挞，令每一啖面都有淡淡都有芝士味，令人食唔停手。甜品系反沙芋头，依个要同职员落单，就冇得Qr code落。反沙芋头其实就即系将砂糖均匀咁包系芋头外层，之后不停翻炒，直至砂糖变成一层外皮包着芋头咁。成碟反沙芋头有足足八旧，真系都差啲食唔晒。味道方面，上碟𠮶阵时旧旧都热辣辣，虽然有啲辣口，但热力令到砂糖外皮更加脆口同香甜，芋头亦都好甜，同埋软滑，外脆内软，令口感更丰富。而且个砂糖皮唔会话太厚令到面太腻嘅感觉。总括依度嘅水准都好唔错，下次会再想试吓食佢嘅鸡同其他汤！
继续阅读
《高质潮式食堂♥️》———————————————-#新潮楼 🏮-早排去咗九展睇concert，睇之前去揾好野食，呢间主打潮州菜嘅酒楼，环境装潢优雅，地方阔落，坐得几舒服😌-🧀 芝士虾球伊面都几大碟，芝士汁铺满伊面，面质都几排汁，食落芝士味好香浓，虾球大大粒又爽口🍤 -另外我哋仲嗌咗碟XO酱牛柳粒，牛柳粒一口size，肉质弹牙🐮 而啫啫虾干虾酱通菜原煲上，好有镬气，虾酱十分惹味🔥-🌱 竹笙北菇炖菜胆味道清甜，质地柔和，里面有冬菇、竹笙同娃娃菜，饮落好顺口，清热气一流🥰-⭐ 参考价钱︰（另收加一茶芥）芝士虾球伊面：$128XO酱牛柳粒：$148啫啫虾干虾酱通菜：$108竹笙北菇炖菜胆：$48🍌 抵deal 指数：7/10💰 人均消费：$250
继续阅读
地点系有啲偏僻，系九展🥲冇咩事都应该唔会去，不过如果去开睇演唱会or有活动又唔知食咩好，可以去试下中菜🤣🤣 我今次系夜晚去，叫𩠌食饭!椒盐中虾 $168份量比想像中少啲，不过啲虾又真系几大只同爽口。特别系调味，有好多炸蒜同埋椒盐，超惹味!!!粉丝杂菜煲 $98我都几钟意食杂菜煲🤣🤣因为咩菜都有啲，味道口感都好正常，重有啲菇🍄🍄菠萝咕噜肉 $108都几足料， 啖啖肉冇骨。酸甜味都岩岩好👍🏻配白饭一齐就岩晒啦反沙芋头 $68其实今次系我第一次食反沙芋头，所以冇咩比较。🥲😶🌫️😶🌫️不过我都几钟意，主要就系有一层溶咗嘅白砂糖包住旧芋头，所以一咬落去就会食到好甜，入面就系芋头。芋头都好绵密😆😆😆
继续阅读
E-max 追镜仔是常识吧！追完食个潮菜点知有惊喜😽海皇杂菜煲鱿鱼🦑带子鲜虾班冬菇西兰花，应有尽有！粉丝吸收了食材的鲜味！香煎蚝饼蚝仔多到数不清！每一啖都必定有蚝肉！椒盐九肚鱼外脆内软，即叫即炸！鱼肉鲜甜又juice!滑到不得了！新鲜又好食！火喉控制刚刚好！反沙芋头有名的潮洲甜品！芋头肉大大旧！平日晚上来食饭的人不多，静静地同屋企人食餐饭，倾吓偈！所有食物即叫即做！上菜快，服务又好！食物质素有保证！不用排队，都有这么高质的潮洲小菜食！
继续阅读