影片
更多
2021-03-26
465 浏览
👍🏾推荐程度：泰菜嚟讲算系间高档啲嘅，环境、价钱、食物质素、服务态度都系比起普通泰菜铺有过之而无不及。成餐饭个感觉系好舒适嘅。推荐大虾冬阴公同炭烧猪颈肉。💰抵食程度：🇹🇭🇹🇭🇹🇭🇹🇭（4/5）如果净系想食个泰菜冇要求嘅，会觉得呢间少贵，不过如果有要求啲嘅就会觉得个价钱算系咁，中规中矩。闹市中嘅一点静，坐低喺个花园平台隔嚟嘅位，好唔似喺旺角，平时嘅喧哗吵闹完全入唔会传到去餐厅。由坐低到点菜到上菜嘅速度都系几令人满意嘅，侍应亦都会主动斟水执枱同换食甜品嘅时候换餐具！嘢食方面今次嗌咗大虾冬阴公、炭烧猪颈肉、冬阴公芝士海鲜老鼠粄、蒜蓉包、芒果糯米饭，同泰国奶茶几样嘢，以二人份量都算系几足够。味道上个人觉得几两极，即系一系好重味，一系冇乜味。大虾冬阴公整得比较偏酸，同埋味道有少少模糊，香料味较淡，但个酸味劲得嚟几醒神，钟意甜啲或者香料味多啲嘅手足就可能会饮到揦埋口面喇。另外上面只大虾系正嘅，啖啖肉之余个虾膏一啲都唔腥。值得再叫，同埋个汤配埋蒜蓉包又系另一个讲法！蒜蓉包嘅蒜蓉牛油落得几重手，所以香气同味道都好够，而且个包超级软身，唔系硬到会插亲𠮶种，相信配咖哩都一定相当出色。再嚟就系炭烧泰式猪颈肉
💰抵食程度：🇹🇭🇹🇭🇹🇭🇹🇭（4/5）如果净系想食个泰菜冇要求嘅，会觉得呢间少贵，不过如果有要求啲嘅就会觉得个价钱算系咁，中规中矩。
闹市中嘅一点静，坐低喺个花园平台隔嚟嘅位，好唔似喺旺角，平时嘅喧哗吵闹完全入唔会传到去餐厅。
由坐低到点菜到上菜嘅速度都系几令人满意嘅，侍应亦都会主动斟水执枱同换食甜品嘅时候换餐具！
嘢食方面今次嗌咗大虾冬阴公、炭烧猪颈肉、冬阴公芝士海鲜老鼠粄、蒜蓉包、芒果糯米饭，同泰国奶茶几样嘢，以二人份量都算系几足够。
味道上个人觉得几两极，即系一系好重味，一系冇乜味。
大虾冬阴公整得比较偏酸，同埋味道有少少模糊，香料味较淡，但个酸味劲得嚟几醒神，钟意甜啲或者香料味多啲嘅手足就可能会饮到揦埋口面喇。另外上面只大虾系正嘅，啖啖肉之余个虾膏一啲都唔腥。值得再叫，同埋个汤配埋蒜蓉包又系另一个讲法！
大虾冬阴公
8 浏览
0 赞好
0 留言
大虾冬阴公
11 浏览
0 赞好
0 留言
蒜蓉包嘅蒜蓉牛油落得几重手，所以香气同味道都好够，而且个包超级软身，唔系硬到会插亲𠮶种，相信配咖哩都一定相当出色。
蒜蓉包
8 浏览
0 赞好
0 留言
再嚟就系炭烧泰式猪颈肉，不得不提嘅系佢个椰糖芫茜辣汁，非常出色！同行嘅桃子小姐系完全非芫茜人士，但佢食呢个汁都系津津有味，所以各位走茜人仕都可以安心服用。啱烧出嚟嘅猪颈肉又香又脆边，配埋个辣汁就好完美咁平衡哂各种味道。
炭烧猪颈肉
8 浏览
0 赞好
0 留言
之后就到老鼠粄，唔知系本身个冬阴公汤太重味定佢呢个老鼠粄太淡味，食𠮶阵净系食到老鼠粄个粉嘅味道，冬阴公味好淡好淡，同芝士味系几乎冇嘅。老鼠粄嚟讲下次嚟就唔会再叫喇，留番个位畀其他嘢。
冬阴公芝士老鼠粄
15 浏览
0 赞好
0 留言
压轴嘅系食泰菜一定要食嘅芒果糯米饭。最为惊叹嘅系面头嘅椰子脆片！画龙点睛就系佢！芒果够甜，糯米饭适中，咸甜咸甜，简直系行过都要买一个即食嘅程度！
芒果糯米饭
13 浏览
0 赞好
0 留言
泰仔奶茶就正常会饮到嘅味，唔失望但亦冇惊喜。
泰式奶茶
6 浏览
0 赞好
0 留言
最后不得不讲嘅系，佢真系好多花，摆盘都要嘅～
张贴
