易牙台式料理

营业中

休息中

推薦程度：想食將香港味嘅嘢食用台灣型式呈現嘅人可以去食。重記得同爸媽去完台南慶生，回歸香港，對台灣嘅食物係念念不忘，可謂上咗癮！奈何，工要番，假亦冇可能無止境咁放，唯有喺放飯嘅時候去搵台灣味！結果駐足喺呢間台式餐廳。要論喺香港食台灣嘢，我其實都冇抱太大期望。首先係論個味道。正港台灣味，係人地歐巴桑辛苦咗大半生熬出嚟嘅味道（當然我唔排除有歐吉桑），豈係我哋一朝一夕可以鍊成。其次係論價錢。隔一個海，同樣嘅數字，新台幣變港幣，或更甚。例如台幣25元食到嘅滷肉飯，嚟到香港，當然唔止25元，重要係港幣。一入到去，都算熱絡，唔少人喺到食飯，冇特別嘅壓迫感。唔洗等位，上嘢食嘅速度亦算快，唔洗點等係加分之處。乾麵，滷肉飯，叉燒酥（叉燒酥純粹係突發想食而叫。）三樣嘢，冇乜特別嘅印象留到畀我，畢竟呢到係香港，呢間打著台灣名號嘅餐廳帶唔到台灣風味畀我係喺我接受範圍內嘅！講番嘢食啦，三樣嘢食，滷肉飯同乾麵，淋上左一樣嘅肉碎，（呢樣因人而異啦，有啲店會分開兩種滷嘅）還可以，係味道偏淡，飯同麵都有啲硬，真係還可以而已。叉燒酥就油左啲。記得跟餐係叫左珍珠奶茶，但冇乜可取。