福岡漢堡扒 (厚福街) (已結業)

之前試過，感覺其實唔係太特別，當時有一刻覺得比麥xx啲漢堡牛肉差😅 。今日放假周圍都太多人，行過見佢有位，又見到網上面都有好多評價話佢嘅燒肉速食經濟好味。 見佢可以即入，就俾多次機會佢喇 (冇期望，係最好嘅期望) ⭐️ 二人套餐：芝士蒜蓉漢堡扒配月見味噌牛丼飯正餐上枱前, 首先有沙律, 麵豉湯同埋開胃小食. 而套餐就有兩份牛肉漢堡, 一份月見草牛丼 (即係牛肉菇飯), 同埋兩杯飲品. 先講下呢度上餐時, 芝士蛋同埋蒜會加上鐵板. 而今次嘅漢堡扒對比上次有驚喜, 漢堡扒肉質完全唔同Level 咁.  我將一小份肉放上石頭燒完都仲好有肉汁, 食落有濃郁嘅牛肉味. 另外再可以 "點"埋佢個燒肉汁, 甜甜地又真係幾好食😋⭐️ 個飯唯一可取就係多肉多菇, 但味道就比較清淡, 我都不知加左幾多七味粉同調味料呢嗯.... 今次服務都有上升，服務生會好主動幫手換熱石, 可以當係keep 住大火咁煎到D肉外面夠脆. 但相反, D 蛋好快就熟晒, 想話繼續食個滑蛋就冇Lu...Anyway, 總結晚餐黎講, 今餐都可以叫係抵食, 有機會可以再黎試其他野