割烹 櫓杏 (iSQUARE國際廣場)

营业中

休息中

🩷火山鍋濃郁嘅湯底融合咗多種蔬菜嘅鮮甜，配上豬五花嘅油香，層次豐富。白菜嘅清甜，豬五花嘅入口即化，湯底鮮美濃郁，食咗好暖胃。🩷鰻魚同青瓜配土佐酢鰻魚柔嫩鮮美，散發住淡淡嘅鮮味，青瓜爽脆清新，配埋土佐酢嘅酸甜口味，提升咗整體鮮味，酸甜開胃，好食。🩷熊本天草鮮魚壽司三件拖羅嘅油脂豐富以及鮮味十足，吞拿魚蓉軍艦鮮甜細膩，再嚟一件廚師發辦嘅壽司，每個食材鮮度極佳，米飯柔軟略帶醋香，食咗回味無窮。🩷菠蘿雪芭食落去酸甜清爽嘅味道，口感細膩綿密，散發住濃郁嘅熱帶果香，清涼解膩，係完美嘅飯後甜品。呢個套餐仲有其他好食嘅例如新鮮刺身，雞頸肉等等，就唔多加描述喇，等大家自己嚟呢度細心品嘗喇。