影片
更多
2008-03-22
23 浏览
男友好耐之前食過呢間餐廳, 覺得唔錯, 所以帶我黎試6點幾近7點去到, 人不是太多有室內及室外位置, 可自由選擇門口的女侍應幾有禮貌, 見未滿座, 便主動帶我地坐室內的4人位入門口前要在一個金盆上沖沖雙手, 原來係新彊傳統, 話會帶來好運喎~ 沖完手後盆旁邊有紙巾抹手個個侍應都頭戴特色新彊帽, 入座時會一齊大叫, 我想是新彊話的歡迎吧, 幾得意坐低睇menu, 先發現原來有信用卡特價二人餐食物都幾啱食, 就order呢個餐啦~食物評分1-10分, 10分為最高分茄子茸配烤餅: 其實先上了一個南瓜茸配烤餅, 試了南瓜茸, 甜甜地幾好味, 正想夾烤餅黎食既時候, waiter行黎話原來上錯左菜, 於是成碟菜收返, 再上返茄子茸配烤餅. 茄子茸較淡味, 吃不出茄子味, 反而有點似黃豆味. 味道不差, 不過兩者相比之下南瓜茸較好吃. 烤餅熱辣辣, 共有6塊, 頗薄身, 把茄子茸夾在中間的開口位吃下, 鬆鬆軟軟的口感, 清淡不肥膩7.5分麻辣牛舌: 小小的一碟, 不過都有十多片牛舌. 最初食都唔覺特別, 不過愈食愈辣, 幾過癮! 牛舌質地也有咬口, 好味!8分新彊烤乳羊: 烤羊伴住幾種顏色既調味
6點幾近7點去到, 人不是太多
有室內及室外位置, 可自由選擇
門口的女侍應幾有禮貌, 見未滿座, 便主動帶我地坐室內的4人位
入門口前要在一個金盆上沖沖雙手, 原來係新彊傳統, 話會帶來好運喎~ 沖完手後盆旁邊有紙巾抹手
個個侍應都頭戴特色新彊帽, 入座時會一齊大叫, 我想是新彊話的歡迎吧, 幾得意
坐低睇menu, 先發現原來有信用卡特價二人餐
食物都幾啱食, 就order呢個餐啦~
食物評分1-10分, 10分為最高分
茄子茸配烤餅: 其實先上了一個南瓜茸配烤餅, 試了南瓜茸, 甜甜地幾好味, 正想夾烤餅黎食既時候, waiter行黎話原來上錯左菜, 於是成碟菜收返, 再上返茄子茸配烤餅. 茄子茸較淡味, 吃不出茄子味, 反而有點似黃豆味. 味道不差, 不過兩者相比之下南瓜茸較好吃. 烤餅熱辣辣, 共有6塊, 頗薄身, 把茄子茸夾在中間的開口位吃下, 鬆鬆軟軟的口感, 清淡不肥膩
7.5分
麻辣牛舌: 小小的一碟, 不過都有十多片牛舌. 最初食都唔覺特別, 不過愈食愈辣, 幾過癮! 牛舌質地也有咬口, 好味!
8分
新彊烤乳羊: 烤羊伴住幾種顏色既調味粉. 白色的似淮盬, 紅色的似辣粉, 綠色的就似香草. 一向都只食開有醬汁的羊肉, 只點調味粉黎食係第一次, 別有一番風味. 美中不足的是羊肉烤得稍乾
7.5分
雞肉串燒: 一人一串, 同樣係無汁的, 只伴少許調味粉食. 味道不錯,烤得香口卻不肥膩, 不過因雞肉都幾大舊, 中間沒有調味粉便顯得比較淡.
7分
吞拿魚帕爾木丁: 好似小型叉燒餐包, 有4舊, 原來是酥皮包吞拿魚蓉. 酥皮薄, 中間的吞拿魚頗多, 幾香口的小食
7.5分
馬肉腸炒皇帝菜: 像火腿絲的馬肉腸, 味道咸咸地, 幾惹味, 菜也很嫩, 炒起來很香口, 很好食
8分
酸辣斑球: 全晚最差勁的一道菜! 一入口只吃到勁咸的味道, 薄薄的斑球炸粉比魚肉還多, 只係食左一舊已經唔想再食
2分
紅豆綠茶桂花糕: 共有4舊, 吃到最後已經很飽了, 所以只吃得下一舊. 最上面一層可以看到一絲絲的桂花, 很清香, 中間的綠茶和底層的甜紅豆, 一口咬下, 上層味淡, 下層味濃, 很有層次, 是有水準的甜品!
8分
另外值得一提的是, 非酒精類飲品買一送一(一定要同一款式), 我地叫了士多啤梨乳酪蘆薈特飲, 味道有點似益力多, 有少少士多啤梨果肉同大大粒的蘆薈, 幾好味
食物有水準, 服務不錯, 環境也幾有特色, 值得再來!
张贴
