SAKEH

营业中

休息中

想提早同母親大人慶祝母親節，搵咗間睇落都幾像樣嘅日式串燒一齊去食，OpenRice訂位仲有嘢送添！估唔到水準都真係幾好，嗌咗好多款唔同嘅串燒，食到好飽啊，好滿足！.食落我最推介嘅都係佢嘅好似牛脷芯，係佢嘅signature，因為厚切牛脷唔係成日有，仲要佢厚得嚟食落一啲都唔銀身，反而係軟軟林林，識落除咗有口感之餘，仲有好香口嘅牛舌味，真係10分推介呀！同埋佢有其他唔同嘅時令串燒，去到餐廳嗰陣侍應會一一介紹，我今次就嗌咗一個澳洲特級龍蝦，係已經拆好肉嘅龍蝦，配上啲蝦膏。.另外一個比較特別啲嘅時令串燒，就係鹽燒牛沙瓜，識落感覺有啲似係跟嘅位有少少似食緊一個煙煙韌韌嘅牛筋，好特別，唔係成日都見到。.因為真係食得太多款唔同嘅串燒我就唔一一點評啦，個人覺得本身佢Menu上面有話推介嘅菜式都有咁有返咁上下水準，只要揀返自己鍾意食嘅嘢都好OK。