睿海御宴 (已結業)

踏入12月，天氣終於轉涼，係時候食暖身羊腩煲！大坑浣紗街嘅睿海御宴，店面低調但實情係臥虎藏龍之地，竟然有decent嘅中菜。核桃我至愛！前菜叫左個溏心皮蛋凍豆腐（$78），簡簡單單，開開胃。是日重頭戲係古法扣黑山羊腩煲（$498），足夠3-4人分享，羊腩煲嘅湯底濃而不膩，層次豐富，加上腐乳簡直令味道昇華至更高境界。份量十足！加上生菜索滿湯汁，仲有煲內熬煮至非常入味的支竹，撈飯一流，而家睇返啲相都令人垂涎欲滴！飯後贈送足料薏米腐竹糖水，暖笠笠！