影片
更多
2020-02-17
240 浏览
今日相約了朋友係D2 Place 買手作做生日禮物。見依間嘢D 食物幾吸引，價錢又唔太貴，決定試一試😌。由於時間較早，出面又落雨，所以唔係太多人。餐廳設計以簡約為主，D座椅坐落都幾舒服😊。睇翻MENU 都有唔少的選擇，亦都有好多種醬可以配搭，仲可以追加多半份食物，或者可升級成套餐添。店員哥哥仲好好俾我地試下唔同嘅食物，睇下邊款岩口味😗。最後我哋揀咗夏威夷四重奏配海苔飯(追加蒜辣八爪魚)同薑汁松阪豬配海苔飯(追加經典三文魚)，其中一個升級左做套餐，多個溫泉蛋🐣，昆布湯同甜品可以食。薑汁松阪豬配海苔飯松阪豬味道香濃🐷，煮到外層脆口而入面鬆軟，好好味。另外，追加左經典三文魚，三文魚食落好新鮮，好肥美。配菜亦包羅萬有，蕃茄仔🍅，四季豆，毛豆，秋葵，炸豆腐，南瓜，中華沙律樣樣都有D，全部都好新鮮😁，份量適中，配埋和風醬汁撈飯，口感豐富又健康👍👍。 夏威夷四重奏配海苔飯有四款主食，包括辣味三文魚，經典吞拿魚，泰式酸辣大蝦🍤，牛油果🥑，我地仲追加左蒜辣八爪魚🐙。配菜方面有中華沙律，青瓜🥒，三色椒，菠蘿粒🍍等等。三文魚好鮮美，加左少少辣好惹美。牛油果亦香濃，吞拿魚都唔錯，一D都唔腥。至於大蝦亦好彈牙，
見依間嘢D 食物幾吸引，價錢又唔太貴，決定試一試😌。
由於時間較早，出面又落雨，所以唔係太多人。餐廳設計以簡約為主，D座椅坐落都幾舒服😊。
睇翻MENU 都有唔少的選擇，亦都有好多種醬可以配搭，仲可以追加多半份食物，或者可升級成套餐添。
店員哥哥仲好好俾我地試下唔同嘅食物，睇下邊款岩口味😗。
最後我哋揀咗夏威夷四重奏配海苔飯(追加蒜辣八爪魚)同薑汁松阪豬配海苔飯(追加經典三文魚)，其中一個升級左做套餐，多個溫泉蛋🐣，昆布湯同甜品可以食。
薑汁松阪豬配海苔飯
松阪豬味道香濃🐷，煮到外層脆口而入面鬆軟，好好味。另外，追加左經典三文魚，三文魚食落好新鮮，好肥美。配菜亦包羅萬有，蕃茄仔🍅，四季豆，毛豆，秋葵，炸豆腐，南瓜，中華沙律樣樣都有D，全部都好新鮮😁，份量適中，配埋和風醬汁撈飯，口感豐富又健康👍👍。
夏威夷四重奏配海苔飯
有四款主食，包括辣味三文魚，經典吞拿魚，泰式酸辣大蝦🍤，牛油果🥑，我地仲追加左蒜辣八爪魚🐙。配菜方面有中華沙律，青瓜🥒，三色椒，菠蘿粒🍍等等。三文魚好鮮美，加左少少辣好惹美。牛油果亦香濃，吞拿魚都唔錯，一D都唔腥。至於大蝦亦好彈牙，酸酸辣辣好開胃，八爪魚都OK，幾好幾好。
食到一半時，我地加左溫泉蛋係飯到撈黎食，溫泉蛋煮到恰到好處，蛋味香濃，係幾好嘅選擇😋。
甜品方面是橙味布甸，依個都好正呀，有清清嘅香橙味，味道又唔會太甜。
係門口仲有D橙味水可以倒黎飲，免費的飲品選擇。
张贴
