新南苑私房菜火鍋鷄煲 (海德中心) (已結業)

灣仔呢間放題雞煲好出名，一直都想試，終於決定約埋同事一齊去食。門口見到好多生猛海鮮，侍應們都從裡面拿海鮮出來交由廚房處理。我哋6:30去到，叫咗個半放題套餐，三個人以上可以再任選湯底作打邊爐之用，我哋揀咗新鮮蟹鍋花甲湯底。先來兩個酥炸飽魚作前菜。脆卜卜又彈牙，避風塘制法當然惹味。雞煲再上場，侍應話等2分鐘再揭蓋炒一炒，之後再等3分鐘加入油炸鬼再炒一炒再焗一陣。炒嘅時候已經聞到香濃麻辣味。果然，雞件非常惹味濃郁，我哋選了微辣，少少辣，但麻辣卻香口非常。雞煲是任食的，食了2 round便收手了，轉攻打邊爐。換上蟹鍋花甲湯底，見到南瓜熊熊好cute，裡面仲有大蟹同花甲。侍應將橙色的湯底倒至浸沒南瓜熊熊，再待它煲滾。然後海鮮併盤送上，裡面有龍蝦、帶子、海蝦、蠔、花膠、蜆和脆魚片。超靚手切牛肉片。再送上兩個鯪魚球及小籠湯包。而其他打邊爐的配料則是任叫。當中包括韓國芝士拉麵。龍蝦新鮮彈牙，十分鮮甜。正！帶子煮3分鐘食得，大隻之餘仲脆口鮮甜。蠔漲卜卜，每口都是蠔鮮味！2百幾蚊可以食到新鮮海鮮、惹味雞煲同放題邊爐，我下次會再來。