Café Crêpe (已結業)

平時成日經過都聞到好香，今日終於都食到! 用料好足而且所以配料都好新鮮!Le Club呢款個咸既Crepe，有芝士、雞肉、煙肉同番茄。用料好新鮮而且雞肉唔會鞋，整完仲可以保留到肉汁，配合埋芝士同埋煙肉一齊好惹味又唔會太咸。餅皮有蛋香而且薄薄一層包哂所以材料，食完都唔會覺得漏!Apple Crisp呢款應該係招牌既crepe，平時都係被佢既廣告牌吸引咗。食落真係好濃郁既蘋果香而且亦有好多crumble，層次口感一流! 加上佢整既時間岩岩好，糖漿溶得岩岩好唔會有顆粒而且蘋果粒既大小適中，整體非常吸引。外賣既話雪糕會分開上而且都唔會好快溶，呢D細節位可以睇得出佢好有心做!最後仲嗌咗杯Ruby Hot Chocolate，呢幾日天氣涼少少飲啖熱朱古力好暖胃!