影片
更多
2022-04-23
22 浏览
係沙田長大嘅我，即使近年已搬離開，但係由於對呢個地方有情意結，所以久不久都會返黎行街食飯。 都唔知係個天玩我定係巧合，係沙田住嘅時候又唔見咁多新餐廳，一搬離開後，就越開越多，攪到我試都試唔切。 是日黎到沙田處理完一d事情後已經係黃昏時候，疫情關係唔敢堂食，我正正諗起偉華中心近期開左間台式便當餐廳，咁耐無去過台灣都非常掛住果度嘅食物，就一於買返屋企食啦。 餐廳食物選擇唔多，便當有六款，價錢包主菜同埋飲品，亦都可以加＄12要小食。主菜選擇有：萬華網烤牛肉逢甲香烤豬軟骨士林鹽酥大雞腿台灣鐵路大排骨台灣古早味烤豬肉三杯蜜汁烤雞排 每個主菜可以揀配飯或者麵，亦可以加＄12升級南部滷肉飯，或加＄3升級麻辣湯麵。 由於係叫外賣，回家路程又長，即使湯麵有分湯嘅都擔心會影響品質，所以都係叫飯算啦。逢甲香烤豬軟骨：豬軟骨肉淋得黎軟骨仲好香脆，烤得香濃入味，啖啖骨膠原，配飯食就係非常夾。三杯蜜汁烤雞排：雞排大件得黎仲好厚身，烤得非常香口，肉質嫩滑，配上三杯蜜汁真係份外好食。 小食方面有5個選擇：梅香脆地瓜香蔥油燙青菜九層塔雞翼(2隻)懷念鹽酥雞台灣涼拌豬耳 我地叫左豬耳同鹽酥雞：台灣涼拌豬耳：微辣嘅豬耳口感
都唔知係個天玩我定係巧合，係沙田住嘅時候又唔見咁多新餐廳，一搬離開後，就越開越多，攪到我試都試唔切。
是日黎到沙田處理完一d事情後已經係黃昏時候，疫情關係唔敢堂食，我正正諗起偉華中心近期開左間台式便當餐廳，咁耐無去過台灣都非常掛住果度嘅食物，就一於買返屋企食啦。
餐廳食物選擇唔多，便當有六款，價錢包主菜同埋飲品，亦都可以加＄12要小食。
主菜選擇有：
萬華網烤牛肉
逢甲香烤豬軟骨
士林鹽酥大雞腿
台灣鐵路大排骨
台灣古早味烤豬肉
三杯蜜汁烤雞排
每個主菜可以揀配飯或者麵，亦可以加＄12升級南部滷肉飯，或加＄3升級麻辣湯麵。
由於係叫外賣，回家路程又長，即使湯麵有分湯嘅都擔心會影響品質，所以都係叫飯算啦。
逢甲香烤豬軟骨：
豬軟骨肉淋得黎軟骨仲好香脆，烤得香濃入味，啖啖骨膠原，配飯食就係非常夾。
三杯蜜汁烤雞排：
雞排大件得黎仲好厚身，烤得非常香口，肉質嫩滑，配上三杯蜜汁真係份外好食。
小食方面有5個選擇：
梅香脆地瓜
香蔥油燙青菜
九層塔雞翼(2隻)
懷念鹽酥雞
台灣涼拌豬耳
我地叫左豬耳同鹽酥雞：
台灣涼拌豬耳：微辣嘅豬耳口感爽脆彈牙，食落好入味，以＄12黎講份量都算多。
懷念鹽酥雞:
外賣拎到返屋企依然保持到鬆脆嘅質感，咬落去肉質嫩滑多汁，椒鹽味剛剛好，層次非常豐富，真係令人一啖一啖咁食過不停。
飲品有三款自家製冷泡茶，我地揀左綠茶同焙茶。
油切綠茶自然甘醇，綠茶清香有麥香味，飲完好解膩，減低罪惡感。
日本焙茶茶香較濃，非常爽口。
冷泡茶膠樽上印有小胖圖案，好有心思，非常特別。
张贴
