SABROSA (已結業)

微暗燈光，帶有浪漫情調，特色西班牙菜，值得再黎食！👉🏻傳統西班牙烤乳豬 $238揀左細份，2人食就啱啱好，烤乳豬真係心機菜式，皮脆肉嫩，肉質好鬆化，絕對係入口即融，再加上肥膏嘅甘香，不得了！配有慢煮蘋果蓉、些利酒烤豬汁，可減油膩感！👉🏻自家製煙燻生牛肉片配黑松露檸檬油醋 $188以蘋果木煙燻，除左打卡一流，仲帶有香濃味道，生牛肉片無筋，所以肉質軟嫩，配黑松露片令味道層次提升！👉🏻香炸海鮮配熱情果蛋黃醬 $128有蝦、魷魚同八爪魚，份量都唔算少，熱情果蛋黃醬甜甜酸酸，真係調得好岀色！👉🏻Seabass Fish $238原條烤海鱸魚，好嫩滑多肉，配菜有薯仔同紅蘿蔔，賣相都好吸引！