牛摩+ (上水廣場) (已結業)

今日去左上水搵朋友，晚飯決定食火鍋，朋友帶左我後呢間牛摩，CP值超高，朋友話係上水第一間同唯一一間火鍋+燒肉放題二合一既火鍋店, 以後唔洗特登搭車出去食。餐廳好光猛同Colorful，座位寬落舒適。今次點左美國極上和牛火鍋放題，包括左美國極上和牛、美國特級精選牛肉、美國極上黑豚肉、豚肉、雞肉。最驚喜係仲可以encore牛舌、蟹籽手打墨魚滑同鴨血。 至於配料方面，望落都好多選擇，豬皮，波菜餃呢啲好少見既食物都有。 而且竟然仲有壽司吃，岩晒壽司控。湯底試左博多美人骨膠原啫喱雞白湯，上台見到牛摩既頭像，有心思，而且滋潤美顏。