影片
更多
2020-03-17
81 浏览
今日嚟咗一間好靚嘅餐廳食lunch，一開lift門門口感覺神秘，有啲好有特色嘅裝飾品，行入去發覺原來景致開陽，仲有露天位置可以坐，居高臨下，飽覽維多利亞海景，可惜今日天氣較涼，唯有坐返室內，室內裝修其實都好靚。午餐有幾款不同價錢可選，最後揀咗一個3-course（$138），五選兩款前菜、四選一嘅主菜，咖啡茶要另加$18 ，我就選擇咗加$28要個芝士蛋糕做甜品。成set野一個木盆上，都好精緻。前菜我揀咗和牛他他，分量幾多，raw嘅和牛配上細細的鵪鶉蛋黃，還有黑松露和蔥，好香，和牛嫩滑，夾住脆多士吃，好味呀！另外天婦羅炸蠔竟然有兩隻，外皮香酥，非常好味！點埋沙律醬仲正！主菜我揀咗日式鰻魚飯，飯上面有黑白芝麻、係用日本珍珠米，非常黏口，識落仲有少少醋味，十足十壽司飯。鰻魚有兩塊，好腍，味道也不錯。最後嘅芝士餅，賣相吸引，屬於偏硬質地，但又未去到New York cheesecake嘅感覺，配埋三粒藍苺，總之好睇又好食。以呢度嘅環境和質素，呢個價錢其實相當抵食，就算帶客人黎都相當得體，知己朋友嚟食飯、飲酒、吹水就更加得啦！
午餐有幾款不同價錢可選，最後揀咗一個3-course（$138），五選兩款前菜、四選一嘅主菜，咖啡茶要另加$18 ，我就選擇咗加$28要個芝士蛋糕做甜品。
成set野一個木盆上，都好精緻。
前菜我揀咗和牛他他，分量幾多，raw嘅和牛配上細細的鵪鶉蛋黃，還有黑松露和蔥，好香，和牛嫩滑，夾住脆多士吃，好味呀！
另外天婦羅炸蠔竟然有兩隻，外皮香酥，非常好味！點埋沙律醬仲正！
主菜我揀咗日式鰻魚飯，飯上面有黑白芝麻、係用日本珍珠米，非常黏口，識落仲有少少醋味，十足十壽司飯。鰻魚有兩塊，好腍，味道也不錯。
最後嘅芝士餅，賣相吸引，屬於偏硬質地，但又未去到New York cheesecake嘅感覺，配埋三粒藍苺，總之好睇又好食。
以呢度嘅環境和質素，呢個價錢其實相當抵食，就算帶客人黎都相當得體，知己朋友嚟食飯、飲酒、吹水就更加得啦！
张贴
