影片
港铁铜锣湾站 A 出口, 步行约4分钟
继续阅读
营业时间
星期一至四
20:00 - 04:00
星期五至六
20:00 - 05:00
星期日
20:00 - 04:00
以上资料只供参考，请与餐厅确认详情
相关文章
有时同朋友食完饭，都会嚟zeng饮返杯贪佢有维港景，可以慢慢chill👋🏻🤣今次店内推出五周年任饮任食套餐，每人只需 $499/pp；套餐有12款食物比你拣，💁🏻♀️💁🏻♂️有几样觉得唔错：.［+$100 任食生蚝］生蚝🦪为小号size，但几鲜味😌.🝮是日餐汤-粟米汤.🝮花雕渍鲍鱼刺身鲍鱼刺身爽口弹牙，淡淡酒香味🍶后劲，味道清.🝮烟熏日式咖喱羊肉日式咖喱羊肉，调味不太辣，羊肉一丝丝，肉质软腍，配烤饼食.🝮芥末柚子胡椒烤乳猪乳猪🐽外皮烤得香脆，肉质爽口一种，用芥末同柚子胡椒调味，几特别🤗.🝮封门柳配芭拉巴黑椒汁封门牛柳熟度、调味刚好，肉质不错👍🏻.🝮面豉青柠蜜糖煎鳕鱼鳕鱼🐟外皮煎得香脆而肉质鲜嫩.🝮七味面豉酱烧鸡🐣烧鸡肉质嫩滑，调味刚好.🝮香辣花胶炒意粉意粉🍝有咬口，辣辣地几惹味😜.💁🏻♀️💁🏻♂️整体而言，呢度嘅食物质素中规中矩～
继续阅读
当晚订咗位7:30入座，拣左12道菜Free flow dinner每位 $498咖哩羊肉乳猪烧鸡封门柳炒意粉乳鸽意大利饭鸭胸海鲜拼盘煎鳕鱼大厨精选特式蔬菜点菜时职员话当晚无乳鸽供应，即系得11道菜，都无所谓，但我地最后只系食咗7道菜，每道菜每人配给一细嚿，一个airpods盒都大过嚿食物，而且乳猪上了一次就话无晒，除咗份量小得可怜，等上菜嘅时间系超！级！离！谱！每道菜最小要等15分钟，由7:30开始到8:30只上过5道菜，仲要限时9:30离座，而8:30后更加完全无上过菜，我地由唔肚饿食到肚饿，餐厅入面全部客人都等食物，等到9:15终于等到一碟炒意粉，份量系每人分到一啖，唔知以为食紧法国fine dining，差唔多2个钟完全无食过嘢嘅感觉，难为同行嘅老人家满心期待嚟庆祝生日，同职员反映佢地解释厨房负荷唔到超出佢哋预计客人数目，并会延长用餐时间，尽快上菜，再得多半个钟先上了一碟意大利饭，后来陆续上了4道菜，但份量仲唔够每人一嚿，㖞阵已经超过10:15，餐厅亦开始熄灯并需要埋单，由7:30至10:30，声称free flow每位$498，我食过嘅嘢有2件鸡，1件鳕鱼，1件羊肉，1件乳猪，1件封门柳，1啖意粉，1啖意大利饭menu上嘅鸭胸，海鲜拼盘，大厨精选，甚至特式蔬菜都无出现过，呢种体验确实前所未有，如果大家想减肥又要出席饭局，呢间餐厅系首选，可以食3个钟而食完都仲会肚饿嘅free flow dinner
继续阅读
【湾仔区】【Zeng】有一晚同两位美女食饭，咁难得我可以喺一晚之内同两位美女食饭咁幸运，就当然希望尽力将个时间延长啦。我哋食饭嘅位置系喺湾仔同铜锣湾之间，因此其实就算走，都冇得即刻搭地铁。又咁讲，本身我又未去到特登安排到咁有机心，真系咁啱嘅啫。咁食完饭，理论上系可以食个糖水嘅，但系当刻诚然我哋三个都已经饱饱滞滞，咁就不如揾个地方饮杯嘢。然而，我哋都唔系太中意𠮶啲嘈杂喧闹嘅酒吧，所以揾啲可以静静地倾吓偈嘅就好。本身揾咗另一间但系爆场，点知之后揾到呢间，好似都唔错㖞。我哋饮咗 $128 嘅「Rosemary Orchard」、$128 嘅「Jap Jap」同埋 $135 嘅「Security」，三杯都系 cocktail，但系佢哋其实仲有 s****a 可以食。不过佢哋最大嘅卖点真系风景，饱览维港景色，尽情享受世界第一夜景，夹埋呢 $430 又唔算贵嘅，啲酒平庸啲咁。。。（地址：铜锣湾登龙街18号V Point 30楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #铜锣湾 #Zeng #RosemaryOrchard #JapJap #Security #1am1537 #1ambackup
继续阅读
最近受黑白大厨热潮影响～～迷上fine dining 黎左铜锣湾zeng 试下5周年新推出menu 除前菜外，menu上12道菜式全部都可以free flow，仲要系平时$2xx 单点菜式，真心超值！高空望住超靓维港海景食fine dining，$498/pp 庆生约会都超有feel5 Years Anniversary Free Flow Fine Dining🔸Zeng‘s 招牌前菜拼盘鲍鱼、创作寿司、法国生蚝酒醉鲍鱼够fresh~~法国生蚝size唔算大只，唔会太浓海水味，食到非常鲜味！🔸大厨特式精选：是日精选南瓜汤香甜顺滑🔸烟熏日式咖哩羊肉伴无花果选用日式咖哩唔会好辣，羊肉炆煮软稔配对饼食好夹🔸七味面豉酱烧鸡烧鸡脆皮，调味入味鸡肉唔柴🔸冲绳黑糖烧乳鸽伴柠檬香草花椒油烧乳鸽非常出色，外皮甜甜香脆，肉质一咬爆汁🔸芥末柚子胡椒烤乳猪外脆内软Q, 调味清新唔油腻～🔸封门柳配马拉巴黑胡椒汁封门柳牛味浓厚，肉质软嫩脂肪唔多！必食🔸海虾意大利饭意大利饭相信偏软稔🔸香辣花胶元贝炒意粉选用中式花椒油麻辣做法配意粉几新颖，熟度刚刚好🔸鸭胸伴樱桃苏梅酱本身唔太好鸭胸，但呢道好好食！嫩滑juicy，酸甜口味解腻超搭🔸招牌海鲜拼盘有海虾、青口、螺、蚬肉像Cajun 调味有d 似shake shake 海鲜食到味道🔸面豉青柠蜜糖煎鳕鱼鳕鱼本身质地出色，鲜甜紧致特式时令蔬菜炒杂菇菌另外点两杯cocktail Mocktail 内外兼备universe (Mocktail)成人饮用外貌，益力多酸甜顺口味道
继续阅读
揾呢间餐厅谂住庆祝妈咪生日，老人家好难得会过海食饭。谂住俾一啲同以往唔同嘅体验佢哋…结果换来永世难忘不愉快嘅回忆。见到社交媒体网站啲相介绍同OpenRice食评都好似唔错…原来全部都是假象😡。唯一真实的系望到维港景色好靓。餐厅推销12道菜两小时Fine Dinning Free Flow $498+ per person! 1. 烟熏日式咖哩羊肉伴无花果2.芥末柚子胡椒烤乳猪3.七味面豉酱烧鸡4.封门柳配马拉巴黑胡椒汁5.香辣花胶元贝炒意粉6.冲绳黑糖烧乳鸽伴柠檬香草花椒油7.海虾意大利饭8.招牌海鲜拼盘9.鸭胸伴樱桃苏梅酱10.面豉青柠蜜糖煎鳕鱼11.大厨特式精选12.特式时令蔬菜大家估吓呢个价钱我食咗几多样嘢？⋯首先去到就话乳鸽冇货。一开始落单落十一样野。首先嚟咗乳猪。跟住即刻再落单就话卖晒…（注意‼️只系啱啱开始食就话冇晒），跟住陆续嚟就系牛柳、烧鸡…我哋有五个人每人只系分得一件。跟住半个钟头后都冇出过任何食品！同侍应反映第一次，结果就嚟咗碟鱼！当然都系每人分得一件。又等多半个钟头，就嚟咗一人份量嘅意粉….又等多半个钟头，侍应就走埋嚟话last order。所以你话最初两个钟头我食咗几多样嘢？系一件牛柳、一件乳猪、一件烧鸡、一件鱼同埋一啖意粉…..$498加一！ 你会唔会嬲？第二次再同侍应反映…先至嚟多碟牛柳再加多碟鱼（都系每人分得一件）再黎系上多碟都系一人量嘅意粉….同埋终于有碟饭..都系每人分得一啖！**12道菜，我只系食咗7样野…多_谢晒上菜龟速🐢🐢🐢仲要呢个餐系唔包饮品㗎！结果我父母越等越肚饿…越等越眼瞓。最后唯有俾咗$2900 埋单！好谷气！7:30pm-23:00…搞咗咁耐食咗嘅野真系数得出！其实眼见全场有二十位受害者都系叫呢个餐。 个个都系你眼望我眼。致老板！你呢啲经营手法绝对有问题～ 好心你厨房唔够人手就唔好推出呢啲餐啦！你知唔知咩叫free flow? 我系你嘅员工就觉得好惨。你收钱梗开心啦！比客闹嘅系佢唔系你。 好心你有返啲良心啦！香港有你呢啲咁嘅餐厅就悲哀！
继续阅读